(NLTimes) – Ministerio Hulandes di Defensa a anuncia su partnership cu compania Australiano Electro Optic Systems (EOS) pa desaroya y desplega un arma di laser diseña pa neutralisa cantidad di drone. Hulanda ta e prome pais West Europeo den acepta e acuerdo aki, firmando un contract di exportacion di 71.4 miyon euro cu EOS pa garnatisa e sistema di energia directo.

Secretario di Estado pa Defensa, Derk Boswijk, a firma un carta di intencion oficial cu EOS. E partnership aki tin meta di transiciona e prototipo y converti esaki den algo completamente operacional, sistema di defensa aereo militar mobil segun Beveiligings Nieuws.

Ministerio di Defensa ta oficialmente investigacion si un facilidad di produccion dedica por keda estableci dentro di Hulanda pa fabrica e laser localmente. Di acuerdo cu e Defensienota Hulandes, e meta na final ta di integra e lasernan aki den vehiculonan militar pa proteha trupanan den movecion for di atakenan aereo.

Mientras atakenan Ruso cada biaha ta menasa espacio aereo Europeo mas y mas, inversion Hulandes ta bao supervision cercano di aliadonan di NATO, incluyendo Corea di Sur y partnernan den Medio Oriente, ken a cuminsa haci investigacion den e mesun tecnologia.

E tecnologia clave tras di e partnership aki ta Apollo High Energy Laser Weapon System, desaroya pa Electro Optic Systems (EOS). E arma ta usa “destruccion termico” pa medio di enfoca riba luz di 100-kilowatt riba un blanco. E ta kima un buraco via drone, causando cu nan ta melt, pega na candela of explota dentro di seconde, segun EOS.

E sistema Apollo ta capaz di destrui 20 pa 50 drone cada minuut. Pa motibo cu e sistema ta opera completamente riba electricidad, e tin un sistema di enfriamento cu ta permiti los tiro continuamente sin mester recarga, efectivamente ofreciendo un cantidad ilimita di municion ora cu esaki ta conecta na un fuente di energia externo.

“Tin un cambio di paradigma den arma di guera; e armanan di guera awendia, manera nos por mira na Ucrania, ta motiva pa atake masivo di drone, drone hopi chikito. E ta asina barata pa construi drone, e ta hopi accesibel pa ataca cu centenares di drone,” CEO di EOS Andreas Schwer a bisa na ABC News Australia. “Un drone ta costa 1.000 dollar pero e misil cu bo mester pa mata e drone aki ta 500.000 dollar.”