Casonan di hospitalisacion pa motibo di Influenza aumentando

ORANJESTAD – Durante e prome siman nan di 2019, 34 persona a wordo interna na hospital. Esaki ta mas cu 1 persona pa dia durante e ultimo 4 simannan.

Departamento di Salud Publico a wordo informa cu tin un aumento den caos nan di hospitalisacion pa motibo di infeccion respiratorio severo.

Mundialmente tin un aumento den casonan di Influenza. Testnan di laboratorio ta confirma circulacion di e virus di Influenza tipo A y Influenza tipo B.

Na Aruba for di prome di januari te cu dia 26 di januari Departamento di Salud Publico su servicio di Malesanan Infeccioso a ricibi un total di 51 notificacion di infeccionnan respiratorio di cual 70.4% tawata casonan positivo pa Influenza. Di e casonan notifica 34 persona a keda interna di hospital di cual 64.7% tawata personanan cu ta cay bou di e grupo di risico cu ta mucha bou 5 aña y e adulto mayor riba 60 aña.

E metodo mas efectivo pa preveni Influenza ta por medio di vacunacion, esaki specialmente pa esunnan cu ta cay bou di e grupo di risico, tin un sistema inmunologico abou y tambe dunadonan di cuido. Banda di e vacuna di Influenza, otro medidanan di proteccion ta encera.
Laba man frecuentemente cu awa y habon y seca esaki bon.
Tapa boca ora di tosa of nister cu napkin of haci esaki den bo elleboog.
No bishita luganan publico si bo ta sinti malo.
Evita contacto directo cu hende malo.
Evita di mishi cu bo wowo, nanishi y boca.

Ta hopi importante cu dunadonan di cuido y departamentonan di emergencia raporta casonan sospechoso di malesa nan respiratorio infeccioso na Servicio di Malesanan Infeccioso, esaki pa por determina y premira un brote y di manera cu accionnan por wordo tuma na tempo pa preveni esaki.

You May Also Like

Prome minister Aruba a yega Hulanda pa prome bishita oficial

Minister Plenipotenciario Guillfred Besaril a bin ricibi prome minister Evelyn Wever-Croes na su yegada ...

Colaboracion unico y historico di ‘Jungian Psychology’ na Aruba

Dr. Michael Conforti, director di Assisi Institute: ‘The International Center for the study of ...

Warda nos Costa mester haci su trabou di un manera mas reserva

ORANJESTAD – Via rednan social par di dia pasa a ser conoci e caso ...

FusionCenterJO (2).JPG

Aruba ta bira prome isla den region cu un ‘Fusion Center’ pa combati criminalidad

– Ayera mainta segun Minister di Husticia, tabata un momento importante pa loke ta ...

Ex-minister ta entrega articulonan di gobierno

Ex-minister, Alex Schwengle a entrega su computernan y tambe un telefon celular na Bestuurskantoor.   ...

Venezuela: Opositor Aristeguieta laga liber sin acusacion

E politico opositor Enrique Aristeguieta, di 84 aña di edad, a haya su libertad ...