Ayera tardi, PR di DVG, Jurette Croes a duna un actualisacion riba e casonan di coronavirus-Covid-19 na Aruba. Croes cu un bos mas alentador a bisa cu tin 97 caso positivo y 51 persona cu a recupera di coronavirus.
Pa loke ta e casonan positivo y activo ta 44 kende nan ta isola den e momento aki. Tambe registra tin 1.381 caso negativo y 1478 persona a wordo getest. Actualmente tin 65 persona den cuarentena, y 2 persona positivo pa Covid-19 a yega di fayece. Ainda tin 4 persona interna den hospital di cual 3 ta den cuido intensivo (ICU).
Croes a bisa cu Aruba ta drentando den un fase nobo y esaki ta encera cu como comunidad nos tin cu bay adapta y custumbra na estilo di bida nobo. Tur esaki ta regarda maneho nan nobo pa salubridad publico, pero pa comercio tambe pa nos pais por sigui draai, pero tambe pa preveni cu e Cobid-19 lo por sigui plama riba nos pais.
