CEDE Aruba como un instancia cu tin un rol como fondo social cu ta traha cu tur fundacion na Aruba . Nan ta kere den un bon relacion entre sector priva cu e fundacionnan cu ta trahando pa bienestar di henter nos comunidad.
“No tur ora un compania mester contribui cu hopi cen. Sino cu poco poco bo por genera un donacion pa ehempel dor di bende awa”, director di CEDE Aruba Daniel Tecklenborg a declara.
E proyecto aki ta consisti cu e clientenan cu ta bishita un establecimento afilia na e proyecto Aqua 48 por contribui cu un florin ora cu e ta ordena awa pa ehempel den un restaurant. E parti di e benta di e glas di awa di WEB ta bay pa un bon causa y ya caba cinco fundacion a beneficia di dje: SABA, Kinderhuis Imeldahof, Fundacion Siñami Paso Paso Aruba, Donkey Sanctuary Aruba y CasMarie.
El a referi y expresa su satisfaccion specificamente cu proyecto como Aqua for Aid ta dunando fruta y nan ta satisfecho con e proyecto aki ta bayendo. Nan rol de e proyecto aki ta pa administra nan fondo y pa controla pa e fondo aki ta wordo bon uza. Pa confirma e exito di e proyecto aki el a indica cu poco poco e suma a cuminsa subi. E ultimo donacion otorga na fundacion CasMarie tabata e bunita suma di 4 mil florin.
