(AFP)—Celine Dion a habri Paris Fashion Week cu estilo dialuna, subiendo riba e ‘catwalk’ bou di Eiffel Tower y cantando “I’m Alive” pa un publico entusiasma den un presentacion sorpresa.
E superstrea Canades a subi riba pasarela na final di e show anual di L’Oreal, apareciendo den un shimis preto elegante y ricibiendo aplauso enorme durante un di e aperturanan mas glamoroso di calendario di moda.
Cu sonrisa y cu su cabey los, e cantante a presenta su hit di 2002 prome cu un grupo yen di strea di embahadornan di L’Oreal a uni cu ne, incluyendo Viola Davis, Simone Ashley, Aja Naomi King y Eva Longoria.
E cantante naci na Quebec recientemente a cuminsa su regreso tan anuncia riba escenario cu un serie di 26 show den capital Frances, cu 16 planea pa september y october y otro 10 pa mei 2027.
Paris Fashion Week, dedica na coleccionnan di primavera-zomer pa hende muher, ta sigui te 6 di october.
Cu Dior, Tom Ford, Schiaparelli y Givenchy ainda den programacion pa mustra nan ultimo creacionnan, ainda por mira Dion den prome rij di algun di e shownan mas grandi di temporada.
