Charlene Oduber: Emancipacion di homosexual na Aruba no a yega mucho leu

charlene oduber.jpg

Pa mi e tabata 16 aña pasa cu mi a cuminsa di berdad cu mi lucha pa emancipacion di homosexualidad. E tabata un lucha fuerte cu ta leu di ta cla, segun Charlene Oduber. Nos mester siña di e historia di e proceso di emancipacion-homo.

Mira por ehempel na Hulanda, Spaña, Suisa … ta paisnan unda cu e emancipacion di hende muhe a cana dilanti y esaki tambe a ranca e emancipacion di homosexualnan dilanti. Kisas e ta zona poco straño, pero e ta e mesun banda di medaya. For di aki tambe a sali e emancipacion di hende homber, mira por ehempel e derechonan di homber na Suisa. Hombernan tambe tin derecho riba “zwangerschapsverlof”pa keda cerca nan pareha y yiu.

Esaki tambe ta bon pa Aruba y mi ta bay lucha pa emancipacion di hende homber, pasobra no solamente e hende muhe ta haya un yiu, hunto ta haci esaki. Pa ambos e ta algo profundo. Igualdad huridico pa homosexualnan na Hulanda a dura sigur un 30 aña y despues otro 30 aña pa e ta visibel y acepta socialmente. Den e 16 aña cu mi ta den e lucha no tabatin atencion profesional a wordo duna na e emancipacion di homosexualnan. Cu esaki mi kiermen programanan na nivel nacional cu ta pas den e cultura Arubano, diseña y ehecuta. Pero esaki lo bini dentro di corto.

Emancipacion di homosexual
Con leu emancipacion di homosexualnan ta na Aruba? Huridicamente no a yega mucho leu. Ademas di “geregistreerd partnerschap” of matrimonio tin cinco derecho cu ta wordo viola, esakinan ta derecho riba un proceso husto den proceduranan legal. Esaki ta wordo kita ora cu homosexualnan no ta wordo protegi pa ley y ta wordo laga na prehuicio y ignorancia di Huesnan y instancianan legal.

Legislacion Arubano ta haci posibel cu homosexualnan no ta wordo protegi contra crueldad, trato inhumano den investigacion policial of ora di detencion. E oportunidad pa haya y mantene un trabou ta e derecho economico  (trabou)  mas hopi dificulta, pasobra e descriminacion di homosxualnan no ta inclui den e leynan di Aruba. Doñonan di trabou homofobico por retira homosexualnan, debi na nan orientacion sexual,  pasobra e leynan anticua di Aruba no tin un provision pa evita esaki.

Un empresa facilmente por mantene un maneho descriminatorio y rechasa un homosexual capacita y talentoso simplemente door di su orientacion sexual. Un doño di trabou facilmente por pest un homosexual na pia di trabou te ora e bay door di mal uza di e derecho riba libertad di religion y expresion. Pensa na e fiesta di trabou unda e partner no ta wordo invita, mientras cu un pareha heterosexual ta haya invitacion como pareha.

 E derecho riba un ambiente sigur di educacion por wordo viola pasobra docentenan cu prehuicio por crea un ambiente insigur na scol dor di cual homosexualnan ta wordo exclui di e grupo. E derecho riba un bon salud fisico y mental ta wordo viola ora cu profesionalnan den cuido di salud ta mantene un forma di traha descriminatorio. Esaki ta bini door di ignorancia y prehuicio, combina cu un falta di entrenamento adecuado y conocemento encuanto orientacion sexual.Na momento cu Iglesia abiertamente ta ataca homosexualnan, ta kita di homosexualnan e derecho riba libertad di religion. Na unda cu e derecho di un ciudadano ta caba, ta cuminsa e derecho di un otro. 

You May Also Like

caso wayaca

Den caso Wayaca: un Chines y un Boneriano deteni

Update: Na Pavia 52 nan a detene comerciante Steve Fan di Stevie Ice Factory. ...

Discurso di Gobierno y oposicion papiando di orguyo

Mientras prome minister Mike Eman a expresa den su discurso di fin di aña ...

5P3A9403.JPG

Truck carga cu santo a bolter na rotonde Pos chikito

Dialuna mainta na e rotonde di Pos Chikito a sucede un accidente entre un ...

presidente parlamento y presupuesto Br.jpg

Presupuesto 2017 lo wordo trata na mita di october

Un ley cu pronto lo wordo trata ta esun di presupuesto 2017. E lo ...

‘Caminda largo pa bay ainda pa alivia asunto di termento na Aruba’

“Nos kier pa e bira menos”, trahado social di Telefon pa Hubentud, Shurman Milliard ...