(AP) – Charlie Colin, bahista y miembro fundador di e banda Train, miho conoci pa su hitnan manera “Drops of Jupiter” y “Meet Virginia,” a fayece. E tabatin 58 aña di edad.

Colin su ruman muhe Carolyn Stephens a confirma su ruman homber su fayecimento na The Associated Press riba diaranson. El a fayece despues di a slip y cay den baño mientras e tabata cuidando cas pa un amistad na Brusells, website di celebridad TMZ.com a reporta.

Colin a crece na Southern California, atendiendo Berklee College of Music na Boston. Despues di universidad, el a toca den un grupo yama Apostles cu Jimmy Stafford y cantante Rob Hotchkiss. E banda eventualmente a kibra y Colin a muda bay Singapur pa skirbi cantica.

Eventualmente, Colin, Hotchkiss y Stafford a muda bay San Francisco, unda Train a keda forma den comienso di añanan 90 cu cantante Pat Monahan. Colin a trece e drummer Scott Underwood pa completa e grupo, segun un entrevista entre Colin y Hotchkiss na Berklee su revista.

Como miembro fundador di e banda, Colin a toca den e banda su prome 3 grabacionnan, 1998 su album cu e titulo di e banda, 2001 su Drops of Jupiter y 2003 su My Private Nation. E ultimo dos a yega te na posicion number 6 den Billboard 200.

“Meet Virginia,” for di Train su album debut a drenta Billboard Hot 100 riba posicion 20, sinembargo tabata nan album sophomore cu a confirma e banda su exito.

E cancion “Drops of Jupiter” a yega Platino 5 biaha cu Rolling Stones su pianista Chuck Leavell y Leonard Cohen su orkestrador Paul Buckmaster y a ser skirbi tocante e fayecimento di Monahan su mama. El a yega posicion number 5 den Billboard y a gana 2 Grammy, incluyendo Best Rock Song.

Colin a sali for di Train den aña 2003 a causa di abuso di substancia.

“Charlie ta un tocado di baho increibel, pero e tabata pasando door di hopi dolor y e manera cu e tabata lidia cu esaki tabata doloroso pa tur hende rond di dje,’ Monahan a conta NBC San Diego.

Den aña 2015, el a reuni cu Hotchkiss pa cuminsa un banda nobo yama Painbirds, conhuntamente cu Tom Luce. Den aña 2017, el a forma otro banda, Side Deal, cu Sugar Ray su Stan Frazire y PawnShop Kings su Joel y Scott Owen.

Prome cu su fayecimento, Colin a documenta su tempo na Brussels, nombrando esaki “oficialmente mi ciudad faborito” den un publicacion riba Instagram cu el a haci den maart.

Colin tambe a traha como e director musical di Newport Beach Film Festival.

“Charlie tabata un parti special di e famia di Newport Beach Film Festival,” Todd Quartararo, co-fundador di e festival a comenta. “Su curason, su compasion y su creatividad di sigur lo ser stranja.”

Charlie ta laga atras y ta ser sobrevivi pa su mayornan, su ruman muhe y su sobrina.