Chile a prolonga su titulo di Copa América diadomingo. Historia a ripiti su mes: e wega final a wordo dicidi por medio di penalty, manera na 2015.
Mescos cu aña pasa e wega final a bay entre Argentina y Chile y a resulta den 0-0. Den ambos team hungado a haya carchi cora y asina 10 contra 10 a keda bataya te na final. Tempo extra a trece niun diferencia den e resultado. Durante tiro di penalty Chile a gana cu 4-2 . Entre otro Messi di Argentina, considera e hungado mas valioso durante henter e Copa 2016, a hera uno.
Na 2015 Argentina a perde cu 1-4 di Chile, tambe durante tiro di penalty.
