Chile:Temblor di magnitud 6,7 a sacudi e zona Centro Norte diasabra pasa

Un temblor di magnitud 6,7 a sacudi e zona Centro Norte di Chile diasabra ultimo, autoridadnan local a informa y cu a descarta un tsunami na e region.

Centro Sismologico Nacional a indica cu e magnitud di e temblor tabata 6,7 Ritcher, ubica na 13 kilometer di Tongoy, e Oficina Nacional di Emergencia (Onemi) y e Servicio Hidrografico y Oceanografico tambe a descarta e posibilidad di un tsunami na e costa di Coquimbo.

E temblor, tin un profundidad di 50,1 kilometer y un duracion largo, a ser sinti na cinco region di e centro y Norte di e pais. El a causa panico na e zona di e Costa di Coquimbo cu a inicia un “evacuacion preventivo” cu a ser lansa pa Onemi y despues a keda descarta.

Dos persona a fayece durante e proceso di evacuacion cu a tuma luga den sectorna di costa di e region Chileno di Coquimbo cu un menasa di tsunami.

E oficina Nacional di emergencia di Chile (Onemi) a indica cu un di e personnana cu a fayece tabata comiendo na un restaurant den e zona di Coquimbo y a sufri un atake di curason ora e evacuacion a cuminsa.

E otro persona tambe a fayece pa via un atake di curason, tabata na e region di La Serena, e autoridadnan no a reporta mas detaye. E region di Coquimbo a biba un tsunami na september di 2015 pa causa di un teremoto di 8,3 grado, cu a provoca e morto di un dozijn di persona.

You May Also Like

Peru: Un bus a cay den un abismo lagando por lo menos 44 morto

(Infobae/LaRepublica) – E suceso a tuma luga diaranson marduga na region di Arequipa, na ...

Tribunal a manda un pastor pa prizon cu a asesina su ayudante

Un tribunal di provincia di Santo Domingo – Republica Dominicana,  a dicta un condena ...

Un miyon di mucha na Latino America mester proteccion y servicionan basico

Unicef ta calcula cu 1,1 miyon di mucha mester proteccion y acceso pa servicionan ...

Argentina: Conmocion pa violacion en grupo di un menor di edad

Un grupo di cinco homber supuestamente a viola un adolescente di 14 aña di ...

Reunion entre gobierno di Venezuela y tenedor di bono a caba sin ningun acuerdo

E reunion entre gobierno y portadornan di bono di debe externo di Venezuela a ...

Jamaica: IMF ta urgi gobierno atende corupcion gubernamental

Fondo Monetario Internacional (IMF) ta urgi gobierno di Jamaica pa atende di inmediato e ...