CIA: E cantidad di arma di candela na Venezuela ta un menasa pa henter Sur America

Diahuebs director di Agencia Central di Inteligencia di Merca (CIA), Mike Pompeo a yama atencion pa e riesgo, cada biaha mayor, di e posibilidad cu e grupo miho conoci como “milicia arma” di Venezuela,  por actua for di control.  El a alerta tambe tocante e riesgo halto cu e transferencia di arma desde Venezuela por nifica pa otro paisnan.

Durante un reunion den comision di inteligencia di Senado di Merca tocante algun menasa rond mundo, director di CIA Pompeo a toca un punto importante, relaciona cu e crisis na Venezuela, en especial tocante e milicia miho conoci como “colectivo” y e cantidad grandi di arma di candela cu nan tin y cu por tin e riesgo cu e armanan ey por “cay den man robes”.

“E riesgo  cu e grupo colectivo por actua for di control ta aumenta di minuut pa minuut,” Pompeo a splica. El a papia tocante milicia arma di gobierno di Nicolas Maduro, cu ta defende e interes di e grupo chavista, contra movimento di oposicion.

Tin hopi arma di candela circulando na Venezuela y e riesgo ta increibel, pero real y hopi serio. E situacion aki “ta un menasa pa Sudamerica, Centroamerica y no pa Venezuela solamente,” Pompeo a bisa.  Te na e momento aki  CIA no a detecta ningun traslado grandi di arma di candela.

Dan Coats, Director nacional di inteligencia a bisa cu “ gobierno di Venezuela lo busca dia tras dia mas medio represivo, pa asina purba di controla hende di oposicion y disturbio cu ta tuma lugar riba caya”.

“Petroleo pa hopi aña ta un fuente di placa pa gobierno, pero e gestion malo di e mesun gobierno a disminui e produccion di placa y e cantidad di divisa cu ta drenta na Venezuela. Nos ta studiando kico gobierno lo ta haci pa asina controla inflacion, e pago di su debe,  como tambe importa producto basico y medicina,” Coats a resalta tocante Venezuela.

You May Also Like

OM ta actua contra spijbel na St. Eustatius

Fiscal di e islanan di BES a papia cu e alumnonan y mayornan di ...

10 morto na Colombia ora cu edificio a cay na Cartagena

E alarma a cende  10:15 di mainta ora cu e biga principal di un ...

Antigua & Barbuda ta bandona reunion di OEA

(CaribbeanNewsNow) Washington- Antigua y Barbuda e siman aki a termina nan participacion den e ...

Caribe: Miyones di habitante den zonanan cerca di lama ta core riesgo

(CaribbeanNewsNow) – Miyones di hende den Caribe cu ta biba den e areanan mas ...

Merca ta acusa Nicolas Maduro di ‘silencia oposicion’

Embahador di Merca na Nacionnan Uni, Nikki Haley, a opina riba comentarionan cu a ...

Brasil a lansa su mayor operativo contra corupcion di polis den historia

Diahuebs polis di Brasil a cuminsa cu un  operacion,  pa detene mas di 200 ...