Gobierno cu ayudo di gemeente Den Haag ta trahando riba un plan integral pa ciclistanan na Aruba por core hopi mas safe. E plan ta consisti di traha mas caminda special (fietspad) pero tambe duna les di core bais na muchanan y conscientisa automobilistanan pa tene cuenta cu e grupo aki ta hopi vulnerabel den trafico.

Riba invitacion di gobierno un grupo di ciclista, representantenan di Aruba Wieler Bond, di tiendanan¬†cu ta bende bais of huur nan y otro interesadonan a bin hunto ayera den MFA Paradera pa duna nan¬†punto di bista.¬†Presenta tambe tabata Alex Pieters di cuerpo policial cu pa hopi a√Īa ta carga un proyecto pa mas¬†siguridad den trafico pa ciclistanan y asina yega cu mas y mas, specialmente mucha, ta sinti nan mes¬†sigur pa tuma e bais. E ta splica si cu mester adapta cierto leynan y tambe conhuntamente cu¬†Ministerio Publico evalua si por hisa e sancionnan pa asina forsa automobilistanan pa tene cuenta cu¬†e ciclistanan. Pero su meta tambe ta pa si√Īa muchanan mas tanto con pa core, como cu hopi no sa y¬†di e reglanan.

Pero e tambe ta mustra e grupo di ciclistanan ayera nochi cu nan tambe tin un responsabilidad di¬†comporta bon den trafico. Ainda e ta mira hopi cu ta core cu un luz riba bais mientrastanto ley ta¬†prescribi dos y tampoco cu bel. Pa e plan nobo pa bin cu mas fietspad na Aruba, e ta haci un remarca¬†valioso cu pa esunnan presente no tabata mucho conoci: momento cu ta traha un fietspad y ta pone¬†un borchi indicando cu ta un fietspad, e coredonan di bais ta obliga pa core riba e caminda special¬†aki. Y no ta permiti e ora pa core riba caminda ‚Äėnormal‚Äô.

Esaki tabata algo nobo tambe pa esunnan cu ta traha riba e proyecto, entre otro sra. Swinda Dijkhoff¬†di DOW. E ta compronde despues di comentarionan for di e ciclistanan presente cu ta mas tanto¬†envolvi den ciclismo como deporte cu den plan mester tene cuenta cu e aspecto aki. ‚ÄúNos mester¬†distingui entre e ciclista recreativo y esun deportivo.‚ÄĚ Pa e ultimo grupo mester wak con den e plan¬†lo no perhudica nan, o sea cu nan ta bay atras en bes di dilanti, e ta admiti.¬†Ciclistanan deportivo mayoria ta core riba camindanan grandi tambe pa asina por train miho. Tambe¬†nan ta train den peloton (grupo) cual lo no ta posibel si nan ta wordo forsa di core riba un fietspad.¬†For di e representantenan a bin diferente sugerencianan, entre otro pa asigna cierto camindanan¬†manera na Colony unda e ciclistanan por haci nan deporte. Of pa cera e Sasakiweg den weekend den¬†orarionan trempan ( 6 pa 9or di mainta) asina duna e deportistanan e oportunidad pa core duro.

Pasobra, manera e polis Pieters tambe ta remarca: bo no por core 40/50km como ciclista deportivo riba un fietspad unda tambe por topa ciclistanan recreativo y tambe peatonnan. Un otro sugerencia tabata regla por medio di e sistema di licencia, cual tin awor den man di Aruba Wieler Bond, pa duna e grupo ciclista e autorisacion pa keda core caminda grandi.

Placa pa e plan
E siman aki e team di e proyecto aki lo presenta nan plan den Conseho di Minister. E plan no ta¬†completo detaya ainda, sinembargo ta basta ley, segun consehero di gobierno, Bart Kool, pa¬†presenta y asina spera cu lo haya un sosten politico caba pa por cuminsa ehecuta. Prome minister¬†Mike Eman tambe tabata presente ayera nochi pa mustra cu su gabinete ta serio e biaha aki pa¬†facilita e ciclistanan na Aruba. ‚ÄúMas y mas hende ta subi bais y nos no kier mas accidente. Pa hopi¬†a√Īanan nos ta haya e peticion pa bin cu mas fietspad y tambe mester crea mas conscientisacion bou¬†di automobilistanan.‚ÄĚ

Bon Dia Aruba a puntra prome minister si gobierno tin placa tambe pa asina garantisa cu realmente¬†e plan lo wordo ehecuta. ‚ÄúSi, tin placa presupuesta. Miyones den e proyectonan di Green Corridor y¬†di Watty Vos Boulevard unda a planea e fietspaden.‚ÄĚ Sinembargo e ta admiti cu mester mas placa pa¬†entre otro conecta tur e camindanan di bais aki rond Aruba. Pero e ta sigura cu lo reserva placa pa¬†esaki.

Na december lo keda cla e fietspad di Green Corridor di 6 km y planea tambe ta 13 di km fietspad¬†den cuadro di e proyecto di Watty Vos Boulevard. Suzan van der Sluis di Gemeente Den Haag ta bisa¬†cu e ta conseha tambe pa bin cu un tipo standard di fietspad. Pasobra awor nos conoce diferente¬†modelo. Un cu siguramente no a resulta, ta e fietsstrook blauw. Manera conoci e verf a kita hopi lihe¬†y e parti di caminda tabata mucho smal. Segun polis Pieters ley tampoco no ta reconoce un¬†fietsstrook, solamente un fietspad. Un otro fietspad hopi critica ta esun traha na Paradera/Piedra¬†Plat. Segun sra. Dijkhoff di DOW nan ta consciente di e critica. ‚ÄúHasta e ciclistanan recreativo ta keha¬†di esaki. Pa motibo di esey nos ta trahando e otro pida na Piedra Plat, flat.‚ÄĚ