Na 2018, algun skina di internet a pensa cu por tin un erupcion volcanico masivo riba Mars, pero tabata un triki visual. Un nubia largo, delga ta aparece riba e volcan Arsia Mons riba Mars cada temporada, y awo cientificonan a haya un miho bista na con e ta forma y disparce.

Un team di investigadonan a investiga e ciclo di bida di e nubia usando un camara yama ‘e webcam di Mars’ riba e astronave Mars Express di Agencia Espacial Europeo (ESA na Ingles).

E naturalesa efimero di e nubia y e orbitanan di astronave rond Mars a haci e formacion dificil pa studia. E webcam di Mars – formalmente conoci como Visual Monitoring Camera – tin resolucion di un webcam di 2003, pero tambe tin un campo amplio di vision, cual ta e motibo cu e investigadonan a pon’e na servicio pa studia e nubia.

E team a publica nan resultadonan fin di aña pasa den e journal JGR Planets.

“Hopi orbiter Marsiano no por cuminsa observa e parti aki di e superficie te cu atardi pa motibo di e propiedad di nan orbita, pues esaki ta realmente e prome exploracion detaya di e caracteristica interesante aki”, segun co-autor di e estudio, Agustin Sanchez-Lavega di Universidad di Pais Basco a bisa den un declaracion di ESA ayera.

E nubia ta aparece durante spring Marsiano y por tin hasta 1,800 kilometer di largura. “Ta e nubia ‘orografico’ di mas grandi cu a yega di mira na Mars, loke ta nifica cu e ta forma como resultado di biento pusha bay ariba pa caracteristicanan topografico (manera sero of volcan) riba un superficie planetario”, ESA a bisa.

E nubia ta pasa door di un ciclo di crecemento diario cu ta cuminsa prome cu solo sali y ta conta cu un expasion rapido mientras ta extende fuera di Arsia Mons. Despues e ta evapora mientras e dia ta kenta.

Nos tin nubia orografico na Tera, pero nan no ta alcansa e larguranan asombroso manera esun aki riba Mars. “Compronde e nubia aki ta duna nos e oportunidad emocionante pa purba di replica e formacion di e nubia cu modelonan – modelonan cu lo mehora nos conocemento di sistemanan climatico riba tanto Mars como Tera”, Sanchez-Lavega a bisa.

E nubia Arsia Mons ta un di e maraviyanan di Mars. E por ta menos un misterio awo, pero ta keda fascinante.

Bottom of Form

LEAVE A REPLY

Please enter your comment!
Please enter your name here