Dr. Nora Volkow, director of the National Institute on Drug Abuse, works in the MRI lab at the National Institutes of Health’s research hospital in Bethesda, Md., on Thursday May 16, 2019. Volkow is studying how anti-addiction medicines work inside the brains of people undergoing treatment for opioid abuse. In the background are NIH neuroimaging specialists Dana Feldman and Danielle Kroll. (AP Photo/Carolyn Kaster)

Cientificonan di gobierno ta investigando e celebro di personanan victima di e epidemia di opioide den e pais, pa mira si medicinanan proba pa trata adiccion, manera methadone, ta haci mas cu djis alivia e sintomanan di abstencion. Nan por cura un celebro daña pa adiccion? Cual ta miho pa cual pashent?

E preguntanan aki ta fundamental considerando cu masha poco di e 2 miyon di usuario di opioide cu mester medicina anti- adiccion ta ricibi esaki.

Un motibo: “Hende ta bisa cu bo ta djis cambia un droga pa otro”, segun Dr. Nova Volkow, director di e Instituto Nacional pa Abuso di Droga, kende ta liderando e prome estudio di e indole aki. “E celebro ta responde diferente ta e medicina aki cu na heroina. No ta mescos.”

Ciencia tin bon cla cu tres remedi – methadone, buprenorphine y naltrexone – por trata efectivamente locual specialistanan ta prefera di yama desorden di uzo di opioide. Pashentnan cu ta permanece riba methadone of buprenorphine en particular ta corta nan chens di morto den mita, segun un reporte di e Academia Nacional di Ciencia, Ingenieria y Medicina.

Adiccion na opioide ta cambia e celebro den formanan cu hasta si hende stop, por laga nan vulnerabel pa relapsa, cambionan cual investigadonan ta bisa ta reduci abstinencia a largo plaso.

E teoria di Volkow ta cu tratamento basa riba medicina lo yuda e rednan neural daña pa cuminsa bolbe bek na normalidad di un forma mas lihe. Pa demostra esaki, e mester compara scan di celebro di participantenan den un studio cu ta tuma methadone cu usuarionan di heroina activo y hende cu ta den etapa trempan di tratamento. Mas cu no por sa si por recupera completamente, e medicina corecto por crea stabilidad den e celebro, y ta yuda condiciona e celebro pa responde na placer diario atrobe.

Segun Dr. Jody Glance, specialista di adiccion na e Centro Medico di Universidad di Pittsburgh, ta bisa cu adiccion ta un malesa celebral, ‘no un escogencia personal, no un fayo den personalidad, ni un fayo moral’. E ta spera cu scan celebral lo por yuda sobrepasa e bareranan y mehora e respuesta di salud publico pa cu e crisis di opioide. No duna medicina na un persona cu mester di dje ‘ta manera no duna insulina na un diabetico’, el a bisa.

 

LEAVE A REPLY

Please enter your comment!
Please enter your name here