FILE - This April 26, 2017, file photo shows the Twitter app on a mobile phone in Philadelphia. Twitter will now prohibit hate speech that targets religious groups using dehumanizing language. The social network already bans hateful language related to religion when it's aimed at individuals. The change broadens that rule to forbid language that likens members of religious groups to subhumans or vermin. (AP Photo/Matt Rourke, File)

Twitter aw ta prohibi lenguahe di odio contra gruponan religioso mediante uzo di lenguahe deshumanisante, un prohibicion cu nan ta bisa lo por extende na categorianan manera rasa y genero.

E red social ya caba ta prohibi lenguahe di odio dirigi contra personanan religioso. Tambe ta prohibi lenguahe di odio basa riba rasa, genero, y otro categoria. E cambio di ayera ta amplia e regla di lenguahe di odio pa prohibi compara gruponan religioso cu sub- humano of pest, sin referi na un individuo specifico.

Twitter, hunto cu YouTube y Facebook, ta bou scrutinio pa e prevalencia di acoso y odio riba nan plataforma. E update mas recien di Twitter a yega despues cu usuarionan a manda miles di contesta ora e compania a pidi sugerencia con pa expande nan politica di lenguahe di odio.

E compania ta bisa cu lo por impone e prohibicion riba lenguahe similar dirigi na gruponan defini pa genero, rasa, y orientacion sexual, pero no a haci esaki ainda.

Facebook tin un politica similar prohibiendo lenguahe deshumanisante, ‘declaracion di inferioridad’, y atakenan contra grupo of persona cu ta comparti caracteristicanan protegi, manera rasa, etnicidad, orientacion sexual, casta of afiliacion religioso.

E politica di YouTube tambe ta prohibi material promoviendo ‘violencia of odio’ contra individuo of grupo basa riba categoria manera edad, discapacidad, rasa, status di migracion, entre otro.

 

LEAVE A REPLY

Please enter your comment!
Please enter your name here