Cifra di CBS ta duna espacio pa revoca crisisheffing

ORANJESTAD – Pa parlamentario y ex minister di AVP, Richard Arends, e cifranan cu oficina central di estadistica (CBS) a presenta pa su cuenta nacional ta esun corecto. “Esey tabata e cifra real di nos economia,” el a contesta na Bon Dia Aruba.

Tempo cu e hoben politico a forma parti di e gobierno anterior, esey tabata cifranan cu nan tabata maneha, Arends a laga sa. El a reitera cu e crisis financiero cu gobierno actual ta culpa na e gobierno anterior, ta uno practicamente crea. Nan a uza e argumento aki pa bin cu un crisisheffing pa haya mas entrada, un suma di 270 miyon di aumento di entrada pa por cubri e gastonan adicional. Pues e ta haya cu a base di e cifra nobo di CBS, e crisisheffing ‘no tin un base legal’, el a bisa. Den e sentido cu no tin un base pa por wordo ehecuta.

E parlamentario a bin cu algun comparacion relaciona cu e cifranan presenta pa CBS. Nan ta cifranan publico cu tur hende por bay riba e website di CBS y Banco Central, y haci e mesun comparacion, el a bisa.

Nan ta puntonan cu nan fraccion ta sigui trece dilanti for di parlamento, ya cu mirando e cifra nobo aki, ta bon pa puntra: ki dia e crisisheffing lo wordo revoca, ya cu e tabata algo temporario.

E ta kere cu e cifranan cu CBS a presenta ta duna espacio pa por revoca e crisisheffing aki. Awor cu e data di GDP ta hopi mas abou, e no ta kere cu ta husto pa ‘sigui ranca e 270 miyon aki’ for di nos economia.

Segun Arends, trahamento di e cuenta nacional ta un proceso hopi largo. Den e caso aki, e cifranan no ta wordo traha a base di estimadonan, sino literalmente cu resultadonan di empresanan, gobierno, consumo y inversion.

Den un cuenta asina, bo ta bay bek exactamente cuanto a wordo gasta. Y esey ta wordo refleha den e cifra nobo cu CSB a trece dilanti recientemente. Den dje, ta aparece hopi mas consumo y inversion di e sector priva, segun Arends.

 

You May Also Like

ALP_8043 (Custom).JPG

Swipe actie ta inicia awe na Noord

Pa yuda comunidad sigui deshaci di criadero GKMB, SELIMAR y DOW a uni forsa. ...

Na cas di Mitch Henriquez

‘Ministerio Publico lo persigui e agentenan den caso Henriquez’

Update: Segun OM e noticia di NOS no ta corecto. Nan no a dicidi ...

Coriente a dal un trahado di contratista na Elmar Playa

Diaranson atardi un trahado di contratista haciendo trabounan na edificio di Elmar coriente a ...

Hulanda pa motibo politico ta nenga Aruba refinancia su debe nacional na interes mas abou

Minister di Financia, sr. Angel Bermudez ta kere cu si Hulanda kier berdaderamente yuda ...

A cera caminda pa wak tiro na Faro

Un cuidadano ta comenta cu alomenos 100 pa 200 auto a bay e faro ...

Polis lo controla mas estricto riba peso cu trucknan mag carga

Mayor Alex Pieters di Unidad di Motor di Cuerpo Policial ta bisa Bon Dia ...