Un biaha mas Clarice Holman, Master Groomer na Aruba, a sa di representa su isla dignamente den e mundo di Dog Show na Merca como groomer y handler.

Holman a wordo invita recientemente pa bay prepara (groom) y saca cacho den ring (handler) na un Dog Show na Bloomsburg Pennsylvania. Holman a biaha di antemano pa custuma cu e cachonan, train cu nan y preparanan pa drenta ring di show.

E cachonan a luci y a gana varios premionan durante e competencia durante diferente dia y categoria. E cachonan cu Holman a prepara ta dos standard poodle y un toy poodle.

“Mi ta sumamente contento y satisfecho cu nos a logra varios prome y segundo premio y tambe premionan manera “Winners” cu ta e premio maximo despues di gana den un of mas sub-categoria di e cacho. Como unico groomer di region di Caribe memey di e grandinan na Merca ta haci cu semper tur wowo ta riba bo y expectativa ta halto”, Holman a conta.

“Mi ta asina orguyoso di e cachonan, nos a cera un bond cu otro y nan tabata confia mi pa nos briya hunto. Mi ta bay haya nan falta. Na final, ta nan momento. Mi ta asina agradecido pa e oportunidadnan aki, unda cu mi por demostra cu Aruba tambe tin talento y cu nan ta balora y respeta mi trabao den exterior riba e nivel aki di grooming”, el a agrega.

LEAVE A REPLY

Please enter your comment!
Please enter your name here