Coach di Argentina, Lionel Scaloni, tabata brevemente hospitalisa despues di a herida su mes den un accidente di bicicleta.

Federacion di futbol Argentino a bisa cu Scaloni no a sufri heridanan serio den e accidente riba e isla di Mallorca.

E federacion a bisa riba Twitter cu e coach tabata bayendo cas despues di hospital, unda el a permanece pa como tres ora.

Scaloni a post un potret riba Twitter di su cara cu cuater bendahe rond di un wowo blauw banda links. “Un par di punto y bayendo cas”, el a bisa. “Danki tur hende.”

E hospital Son Espases, unda Scaloni a wordo admiti, no a duna ningun informacion detaya di e heridanan di e coach. Media Spaño a bisa cu Scaloni a cay di su bicicleta despues cu un auto a retrocede su dilanti, y a causa cu el a perde control.

Scaloni, di 40 aña di edad, ta cu e ekipo nacional di Argentina desde aña pasa. El a hunga pa e club Spaño Mallorca na fin di añanan 2000.