Foto de archivo. Un hombre usando tapabocas camina por una calle en uno de los barrios en donde se decretó cuarentena para contener la segunda ola de COVID-19 en Bogotá, Colombia, 5 de enero, 2021. REUTERS/Luisa González

Colombia a extende aislamento selectivo te final di februari pa contene e segundo ola di contagio di coronavirus, diaranson ultimo presidente Ivan Duque a anuncia y tambe a adverti cu algun medidanan di restriccion ta continua vigente pa evita e expansion di e pandemia.

E pais sur Americano di 50 miyon habitante a cuminsa na maart di 2020 un aislamento obligatorio di mas di cinco luna cu a finalisa na augustus y cu a provoca un semi paralisacion di economia y un aumento di desempleo.

For di september ta vigente un aislamento selectivo cu ta permiti e mayoria di actividadnan economico y social como vuelonan internacional y servicio na restaurantnan cu medidanan como uso obligatorio di tapa boca y distanciamento entre personanan pa evita e contagio.

“E decreto di aislamento selectivo cu distanciamento individual responsabel ta keda extendi te 28 di februari”, Duque a bisa den su programa Accion y Prevencion, den cual a informa riba e comportamento di e pandemia na e pais.

E medida lo a mester vence 16 di januari. E aislamento selectivo lo keda vigente te final di februari, igual cu emergencia sanitario.

E mandatario a bisa cu alcaldia y gobernacion di e diferente region ta autorisa pa impone restriccion di mobilidad ora indicadonan como ocupacion di Unidad di Cuido Intensivo (ICU) di clinicanan y hospital lo aumenta.

Bogota, e capital Colombiano di ocho miyon habitante, tin actualmente un toque de queda den oranan di anochi, cuarentena pa localidadnan y fin di siman awor lo drenta na vigor un aislamento general di dos dia, mientras ta limita entrada pa supermercado, boticanan y banconan di acuerdo cu ultimo number di identificacion personal.

Colombia a reporta te diaranson ultimo mas di 1,83 miyon di caso positivo y 47.124 morto pa causa di e pandemia di Covid-19, segun estadisticonan di Ministerio di Salud.

LEAVE A REPLY

Please enter your comment!
Please enter your name here