(France24) – Gobierno di Gustavo Petro y disidencia di guerrilla FARC a haci un “reunion exploratorio” pa “balora e posibilidad di cuminsa dialogo”, loke por inclui stop di fuego bilateral. Esaki ta un di e strategianan pa “paz total”, un iniciativa di presidente Petro pa negocia cu gruponan ilegal cu te ainda ta activo na Colombia.

Un delegacion di Gobierno di Colombia y otro di “estado mayor central” di disidencia di FARC a reuni na departamento di Caqueta, ubica den sur di e pais, cu e fin di analisa un posibel comienso di dialogonan di paz cu disidencia di FARC cu no a bay di acuerdo cu e proceso di paz na La Habana na 2016.

Mediante un comunicado firma pa alto comisionado di Paz, Danilo Rueda, e number dos di Mision di Verificacion di ONU na Colombia, Raul Rosende, a reuni cu cuatro disidente y un delegado di Gobierno di Noruega. E partidonan a sigura ta na “disposicion y necesidad cu e dialogonan aki ta den bon ambiente pa stop e fuego bilateral, e cual mester verifica”.

“Paz Total” ta e proposicion di presidente Gustavo Petro cu cual ta busca cuminsa dialogo y busca acuerdonan di desmobilisacion of entregamento na husticia di e gruponan den margen di ley di varios tipo cu ta opera na e pais. Segun un rapport reciente di Instituto di Estudio pa Desaroyo y Paz (Indepaz), na e momentonan aki 20 grupo ta warda pa drenta den e proyecto di paz di Petro.

Hasta algun dianan pasa, Petro a manda na Congreso e modificacion di e Ley di Orden Publico pa por tin un hoja di ruta pa adelanta e negociacionnan. Te e momento ey ELN a expresa su intencion di tene dialogonan di paz.

LEAVE A REPLY

Please enter your comment!
Please enter your name here