Corte Comun di Histocoa a tuma dos decision importante unda cu a destrui decisionnan tuma door di Corte na 2019. Den apelacion di Ministerio Publico Cote di Hof a bin constata cu e doño di e go fast El Capo, H.M.G.A. W. Y e homber cu tabata como capitan riba e boto, E.H. S., a haci nan mes culpabel na importacion di un cargamento di casi 16 kilo di cocaina. E vrijspraak di un di tres sospecvhoso, GRK, tripulante riba e Go Fast, a keda igual den apelacion.
E importacion di droga pa cual e sospechosonan a wordo condena a tuma luga riba 22 di augustus, 2019. E dia ey durante un control di Kustwacht riba El Capo a haya no solamente un cargamento di pisca, pero scondi den e barco ey a haya un cantidad grandi di pakete cu cocaina.
E doño di e boto y alabes esun cu a duna e ordo di transporta, e capitan y e tripulante, tabata insisti cu nan no tabata na altura di e droga scondi abordo.
Hof a conclui cu esey no ta berdad. E prueba pa esaki Hof a saca for di e contenido di combersacionnan getap di W. y S. Husto for di e combersacionnan ey Hof ta bisa cu e no ta duna base pa pensa cu otro hendenan, sin conocemento di e dosnan aki, a pone droga den e barco na Venezuela pa wordo manda Corsou.
Banda di e acusacion di importacion di droga, W tambe a wordo condena di a trata di influencia un homber cu tabata wordo scucha como testigo den e caso aki. Hof impone riba ambos castigonan di prizon, pa W 48 luna y pa S a impone 38 luna.
E dos personanan condena como Ministerio Publico tin 14 dia pa apela e decision y bay Casacion na Hoge Raad na Hulanda.
