E desaprobacion di e Presidente di Colombia, Ivan Duque, a yega na 69% un aña y tres luna despues cu el a asumi e funcion, e mas halto porcentahe registra den ultimo diescuater aña, periodo den cual tabatin cinco mandatario, segun un encuesta publica ayera diabierna.

Segun e firma Invamer, e desaprobacion di Duque ta esun mas halto desde e administracion di Ernesto Samper (1994-1998), cual na 1995 tabatin un desfaborabel imagen pa e 42% di e poblacion, mientras cu Andrés Pastrana (1998-2002) ta esun cu ta acerca mas cu 67 %.

A diferencia di e actual hefe di Estado, Alvaro Uribe, mentor politico di Duque, a logra den e 450 dia di su prome mandato (2002-2006) un imagen desfaborabel chikito di 19%, cu a yega te na 17% den e periodo di 2006-2010.

Juan Manuel Santos a mantene e linea di un desfaborabel imagen baho na su prome mandato (2010-2014) cu 25%, pero no a logra un registro similar ora el a inicia su di dos periodo (2014-2018), el a yega te na 56%.

E encuesta a conclui dianan prome cu na e pais a explota un polemica pa e fayecimento di ocho menor di edad den un bombardeo militar contra disidente di FARC, na departamento di Caquetá (sur di e país) y cu a causa e renuncia di e Minister Colombiano di Defensa, Guillermo Botero.

E desaprobacion di gestion di Duque, cu a asumi e funcion dia 7 di augustus di aña pasa, principalmente ta debi na e maneho cu el a duna pa asuntonan manera corupcion, medio ambiente, costo di bida y insiguridad, entre otro.

 

 

LEAVE A REPLY

Please enter your comment!
Please enter your name here