(EFE) – Fiscalia di Colombia a emiti un orden di captura contra Miguel Botache Santillana, alias “Gentil Duarte”, hefe di un di e disidencia di guerrilla antiguo di FARC, pa motibo di e desplasamento di 60 persona entre 2002 y 2004 na departamento di Guaviare.
Segun Fiscalia, “Gentil Duarte” a promove “un confrontacion violento” na hurisdiccion El Retorno (Guaviare), cu a supone “constante enfrentamento y otro accionnan ilicito cu a pone den peliger e bida y integridad di comunidadnan”, pa loke ta wordo acusa di delito di deportacion, expulsion, traslado of desplasamento forsa di poblacion civil.
Den un comunicado, Fiscalia a splica cu “varios habitantenan a bandona nan tera pa via di e miedo di wordo asesina, recluta, señala di apoya autoridadnan of otro grupo arma, como tambe di no atende instruccionnan di FARC”
Den sentido aki, e material probatorio ta duna cuenta di “e manera criminal di actua di alias “Gentil Duarte” y su hendenan, ta parce, a genera diesun hecho di desplasamento, cu ta compromete cerca di 60 victima, e mayoria menor di edad y adultonan mayor”.
Ta p’esey cu un fiscal di Direccion Specialisa contra Violencia pa Derechonan Humano a emiti e orden di captura debi na “evidente continuacion delictivo di alias “Gentil Duarte”, ken a rechasa e proceso di reincorporacion y ta sigui den clandestinidad”, Fiscalia a informa.
“Gentil Duarte”, cu su grupo ta opera na sur y parti west di Colombia, specialmente na frontera cu Venezuela, tin otro orden di captura pa varios delito cometi den 30 aña como guerrillero.
Disidencia di FARC, un di nan bou e mando di “Gentil Duarte” y otro dirigi pa “Ivan Marquez”, hefe di Segunda Marquetalia, den ultimo lunanan e violencia a bira pio cu nan atakenan contra Ehercito, Polis y civilnan, asina como enfrentamentonan cu otro gruponan arma pa control teritorial.
