Home Regional Colombia: Golpi pa creciente red di ‘narco-bitcoin’

Colombia: Golpi pa creciente red di ‘narco-bitcoin’

609

(ElTiempo) – Un bon parti di e creciente movimento na Colombia di bitcoin ta relaciona cu e operacionnan miyonario di labamento di placa cu recursonan di narcotrafico.

Asina e agentenan di Servicio di Inmigracion y Aduana di Merca (ICE) y miembronan di Guardia Civil Spaño, cu recientemente a desarticula un red internacional di labamento di capital cu e moneda virtual aki, a declara.

Fuentenan federal a bisa EL TIEMPO cu nan a realisa 11 captura y a obtene prueba di e movimento di por lo menos 8 miyon euro a traves di movimento internacional di e cripto moneda.

Bao di e operacion ‘Tulipan Blanco’, den cual tambe a participa Europol, a realisa invasion na 8 ciudad unda nan tabatin por lo menos 174 cuenta bancario habri cu nan tabata uza pa move placa di mafia y converti esaki den bitcoin a traves di un ehercito di ‘testaferro’ (representante) cu ya autoridadnan tabatin identifica.

E personanan tabata ricibi comision pa lanta e placa y e posterior compra di e cripto moneda cu despues nan tabata manda Colombia pa paga e mercancia cu nan tabata bende riba caya na Spaña y na otro pais di Europa.

Den e transaccionnan ey tabata uza varios tarheta di credito cu tabata asocia na e cuentanan coriente y cu nan tabata manda Colombia pa desde ey e doñonan di droga paga pa e envio di e mercancia. Tin documenta centenares di lantamento di placa na Cucuta, Cali, Bogota y Medellin, pero tambe tin movimento na Ciudad di Panama.

Un conocido plataforma di benta di moneda virtual na Finlandia, di cual  e nomber ta keda den anonimato, a ser uza pa e transaccionnan aki. Pero nan ehecutivonan ta colaborando cu e  investigacion.
E segundo fase di e investigacion ta tumando luga na Colombia pa conoce ta ken ta tras di e placa lanta na banco y si tabatin alerta den e sistema bancario.