Colombia : Lo extradita narcotraficante cu vinculo cu Maduro

Pa transporte di mas di 25 tonelada di cocaina pa Merca den avion, e capo narco Juan Jose Santisteban Gomez, alias ‘Cubano’, ta busca pa DEA, y Colombia a acepta e solicitud di extradicion. Pero, ademas, gobierno Mericano ta considera Santisteban clave pa trece evidencia di e vinculo di gobierno di Nicolas Maduro cu narcotrafico.

Santisteban tabatin aliansa cu bandanan organisa Colombiano manera “La Oficina” y “Los Pelusos”, y cu guerrilla di ELN y disidencia di FARC. E tabata cumpra pa e cartel Mexicano Jalisco Nueva Generacion coca cu tabata sali via pista clandestino na Venezuela, pa Centroamerica y finalmente tabata manda e mercancia pa Merca.

‘Cubano’ a bira e principal proveedor di e Mexicanonan, pa cual el a muda na 2014 pa Colombia, pa controla e negoshi desde su produccion. Segun e expediente el a paga 9.690 dollar pa haya un cedula y un paspoort Colombiano falso, bao nomber di Pedro Antonio Becerra Cardenas.

Na Cucuta, Norte de Santander, autoridadnan a detecta varios negoshi di cambio di divisa bao su dominio, cu a ser usa pa labamento di placa, producto di e placa di narcotrafico. Tambe general Jorge Luis Vargas, cu tabata director di Dijín, a sigura cu a financia Autodefensa Unido del Pacifico y Guerrillas Unidas del Pacifico.

DEA tin interes den e presunto vinculo cu Santisteban tin cu generalnan di alto rango cerca di ministro di defensa di Maduro, Vladimir Padrino Lopez. Segun e file cu nan tin, despues di huy di gobierno Cubano el a yega Caracas, unda el a obtene nacionalidad y documento falso Venezolano.

 

You May Also Like

Venezuela: Prome cargamento di ayudo humanitario a yega

E prome cargamento di ayudo humanitario pa Venezuela a yega ayera na Aeropuerto Internacional ...

Venezuela: Produccion di maishi apenas na tercio di demanda

E aña aki produccion di maishi lo por cubri solamente un tercio di e ...

Venezolano ta sobrevivi cu benta di biyete di 100 bolivar riba bus na Colombia

Tres amigo Venezolano cu a bandona Caracas siete luna pasa pa motibo di inseguridad, ...

IMF: Hiperinflacion na Venezuela lo bira mas fuerte

Fondo Monetario Internacional (IMF) a declara ayera cu e hiperinflacion na Venezuela por ta ...

Indice di asesinato na Puerto Rico casi igual cu mesun periodo 2016

Te cu siman pasa, cuerpo policial di Puerto Rico a reporta 438 asesinato pa ...

Venezuela den teritorio di hiperinflacion pa prome biaha

Venezuela a registra e luna di october aki un inflacion di 50,6 %, comara ...