La implementacion di acuerdo di paz entre Estado Colombiano y FARC a supone un reduccion importante di violacion di derechonan di mucha na e pais, segun un documento cu ONU a duna di conoce.

E di cuater informe riba Muchanan y Conflicto Arma na Colombia elabora pa Nacionnan Uni, cu ta cubri e periodo entre mita di aña 2016 y mita di 2019, ta documenta un total di 850 violacion grave.

E prome informe di e sorto aki tabata recoge, den comparacion cu esaki 2.078 violacion, aunke tabata cubri mas tempo.

“E proceso di paz na Colombia a representa un hito pa integracion di provision pa e proteccion di muchanan afecta pa e conflicto”, Virginia Gamba, representante special di ONU pa Muchanan y Conflicto Arma a destaca den un comunicado.

“Mi ta felicita e pueblo di Colombia pa su postura contundente pa e proteccion di muchanan afecta pa e conflicto”, Gamba a agrega.

Entre otro, Nacionnan Uni a destaca e medida tuma pa para e reclutamiento di muchanan menor di edad di parti di gruponan arma y di e programanan di reintegracion pa esunnan libera como consecuencia di e proceso di paz

A pesar di avancenan importante, ONU ta recorda cu e atakenan contra derechonan di mucha ta sigui como un problema na Colombia, specialmente pa actividadnan di gruponan arma cu ta ocupa espacio cu FARC a laga bashi.

Den sentido aki, e informe ta expresa e preocupacion pa e cantidad halto di violacion registra na 2018, aproximadamente e mita di e total acumula durante e periodo analisa.

E organisacion ta apunta cu e aumento aki ta debi na competencia di gruponan arma pa eherce control riba teritorio.

LEAVE A REPLY

Please enter your comment!
Please enter your name here