(Infobae) – Di acuerdo cu resultadonan di estudio Global Law and Order 2021, desaroya pa e firma Gallup, y cu ta midi indice di percepcion di inseguridad, Colombia ta un di e paisnan na mundo na unda cu su ciudadanonan no ta confia den Polis, un tendencia cu tambe ta marca na Latino America.

Den promedio, apenas 49% di Latino Americanonan encuesta a sigura di confia den Forsa Publico di e luga na unda nan ta biba, cifra cu ta hopi abao di e standard mundial (71%). Sinembargo, esaki ta representa un aumento di dos punto den comparacion cu edicion di 2019.

Entre e paisnan di e continente, Venezuela ta esun cu a haya e balor mas abao cu apenas un 25% di confiansa, despues Bolivia (35%), Mexico (38%), Peru (43%) y Chile (52%). Sinembargo, Colombia ta aparece cu un 55% – dos unidad mas cu na 2019 – ainda ta abao di promedionan internacional. Nan ta destaca cu durante e marchanan di Welga Nacional di e aña aki a ricibi varios denuncia di ciudadanonan pa abuso policial.

Cu un 75% di confiansa den polis, Uruguay ta e nacion cu tin e resultadonan mas destaca, aunke tambe ta aparece El Salvador y Costa Rica cu un imagen faborabel di 69%. Jamaica a haya un mehoracion importante, di 51% a pasa na 62% e ultimo aña.

Otro punto cu e firma Gallup a destaca ta cu e ciudadanonan ta sinti nan mes sigur ora nan ta cana riba caya den oranan di anochi y esaki tin relacion cu “paisnan economicamente desaroya y teritorionan cu un estado di derecho fuerte…mesun cos ta sucede na paisnan na unda e poblacion tin un estado di control mas estricto”. Esaki a keda evidencia, casi di manera universal, na paisnan como Emirato Arabe Uni (95%), Noruega (93%), China (91%) y Slovenia (91%).