3Mei, JO, Mariniers2.JPG

 Comunidad di Aruba por a disfruta atrobe di un tremendo Open Dag na Mariniers Kazerne riba dialuna na unda Bon Dia Aruba a probecha di sinta cu Commandante Sr. Jan Ten Hove un rato pa combersa tocante diferente topico entre otro kico eventonan manera esaki ta haci pa e comunidad di Aruba.

Comandante di Mariniers Corps Base, Jan Ten Hove ta conta Bon Dia cu e tin casi 3 aña caba den funcion di Comandante aki na Aruba y e ta casi cla pa termina cu esaki den luna di augustus pa regresa bek Hulanda. Dia 17 di augustus ta bay tin un ceremonia na unda ta bay oficialmente inicia un otro comandante pa reemplasa comandante Sr. Ten Hove.

”Locual e Mericanonan ta bisa hopi di Aruba ta berdad, Aruba ta un isla hopi amabel mes. Tur hende ta saluda bo y bo ta haya hende cu ta hasta bay yuda bo, por ehempel mi a bay Mountain Bike diadomingo anto mi ta topa hende cu ta puntra mi si mi mester ayudo y bo sa, cosnan asina bo no ta mira mucho den paisnan grandi.” Sr. Ten Hove ta bisa.

Sr. Ten Hove ta bisa cu un di e cosnan cu el a aprecia hopi di Aruba tambe ta con lihe por a conecta cu personal di Polis, Brandweer, Warda Nos Costa pero tambe locual por mira tambe den e Open Dag cu ta wordo organisa tur aña.”Mi ta spera cu comunidad por mira un tiki di locual nos por haci aki y mi ta mira si durante e ultimo añanan cu tin hopi union y ta pasa bon riba nan dia nacional. Manera un Militar profesional mi ta spera cu nan mira mas cu e cosnan leuk aki y por aprecia un tiki mas nos trabao y haya interes den esaki” Sr. Ten Hove ta splica.

LEAVE A REPLY

Please enter your comment!
Please enter your name here