Boluntarionan di Freewinds a lansa nan campaña Stay Well pa duna asistencia na nos isla na momento di prepara pa habri porta bek pa bishitantenan for di henter mundo.
Basa riba e principio cu un ons di prevencion ta bal un ton di cura, 12 boluntario di Freewinds a distribui mas di 90mil copia di foyetonan educacional a traves di e isla na Spaño, Hulandes y Ingles. E proposito: pa yuda e comunidad keda bon. E foyetonan – How to Keep Yourself & Others Well, How to Protect Yourself & Others with a Mask & Gloves and How to Prevent the Spread of Illness with Isolation— ta yuda hende compronde lo basico di prevencion pa nan por haci nan parti pa tene nan mes y otronan saludabel.
Cu fronteranan di Aruba recientemente habri pa bishitantenan, gobierno a duna protocol pa sigura cu turistanan por disfruta di un estadia saludabel riba e isla. Door di compronde prevencion, tur hende ta capaz di haci nan parti pa sigura cu economia ta bay dilanti sin problema.
Un boluntario a recorda bisti un mondkapje y terminonan manera ‘distanciamento social’ tabata conceptonan straño apenas algun luna pasa, pero cumpli cu e medidanan aki a yuda trece e brote bou control. Esaki ta e motibo pakico e boluntarionan tambe a promove e How to Stay Well Prevention Center, disponibel na Spaño, Hulandes, Ingles y 17 otro idioma riba website di Scientology, cual ta pone materialnan di prevencion disponibel, manera poster pa cumplimento di protocol y mas, tur di forma gratuito. Por lesa e foyetonan riba e website of download esakinan. Mas di un decena di video cortico ta ilustra e informacion clave, haciendo facil pa compronde kico un virus ta, con e ta transmiti, y e accion cu tur hende por tuma pa protege nan mes y nan famia. (www.scientology.org/staywell) .
Distribucion di e foyetonan aki riba henter e isla a cuminsa na april, cu boluntarionan di Freewinds bayendo den tienda, oficina di gobierno, hospital, centronan di bario, iglesia y scolnan pa duna asistencia na esunnan den comunidad cu hermentnan pa por maneha Covid-19 door di siña tocante keda y tene otronan saludabel. Centro di Diseminacion y Distribucion di Iglesia di Scientologia a haci esaki posibel door di print y manda copianan di e foyetonan Stay Well na e Freewinds pa distribui esakinan na Aruba.
Awo, cu mas y mas turista yegando – un bon refuerso pa nos economia – doñonan di tienda ta mira e foyetonan aki como un forma pa mantene e progreso cu e isla a logra. Varios boluntario a comenta cu e foyetonan tabatin un bon acogida den comunidad, y na momento cu manageran di tiendanan a mira den e foyetonan, nan a mira con importante ta pa comparti e informacion aki cu nan clientenan.
Manager di La Linda a bisa: “Danki pa yuda nos. Mi lo yuda distribui e foyetonan aki cu mi clientenan.” Despues el a bay otro tienda y negoshinan cercano pa entrega algun di e foyetonan. Y un di e doñonan di Kok Optica Palm Beach a comenta: “Esaki ta un accion tremendo, cual ta necesario. Hende no ta educa riba esaki y nan mester ta. Solamente e conocemento lo yuda cu prevencion.”
Programa di Boluntario di Iglesia di Scientologia ta un servicio social religioso crea den añanan 1970 pa fundado di Scientologia, L. Ron Hubbard. E ta constitui un di e forsanan di ayudo independiente internacional di mas grandi y mas visibel. E mandato di e boluntarionan ta pa ta ‘un persona cu ta yuda otronan a base boluntario door di restaura proposito, berdad y balornan espiritual den bida di otronan’.
Pa mas informacion tocante Freewinds, por mira
Inside Scientology: Freewinds riba e Scientology Network. (www.scientology.tv/series/inside-scientology/freewinds.html)
