Construccion di brug riba Spaans Lagoen lo bin cla pa inicio di april

E construccion di e brug riba Spaan Lagoen lo conoce un fase nobo y casi final como parti di e Green Corridor. Na april ta planea pa habri e brug, segun ingeniero Carlos Zurieta di e compania Odinsa encarga cu ehecucion di e proyecto aki.

Nan plan ta cu pa final di maart nan lo bin cla cu e structura di e brug, sinembargo lo transcuri un par di dia mas prome cu e automobilistanan lo por haci uzo di dje. Mientras cu e construccion di e brug aki lo bin cla den e tempo cu a wordo plania. Ya caba algun di e wayanan cu inicialmente tabata sostene inicialmente e infrastructura di e brug nan a los y practicamente e obra aki ya caba a tuma e forma final, sr. Zurieta ta bisa. E ingeniero a defini e brug como “un structura hopi special” unda nan a dedica hopi atencion cu personal permanentemente trahando. Nan ta trahado specialisa den e tipo di obra asina kendenan ta finalisando e structura principal e arco nan.

Nan a drenta caba riba e parti di acabado, verfmento y detayenan di e arconan principal. Tambe el a informa nan ta trahando riba e steel cu ta yuda reforsa su structura. Ta asina cu entrante luna di maart na lo basha e concret y asina pa final di otro luna nan tin plania di bin cla cu e structura di e brug. Pero ainda lo ta pendiente algun detayenan of acabado cu lo tuma luga den e dianan siguiente manera e reyeno, un piesa di protector di colo oraño y tambe iluminacion. Pues e fase aki di detayenan lo tuma dos siman mas, kiermen cu eventualmente pa inicio di april e brug lo ta totalmente cla.

Tur cos a wordo elabora detayadamente, pero nan a check y revisa tur parti cu ta forma parti di e diseño di e brug. Constantemente tin comisionnan kendenan ta registra tur datonan matematico di e desaroyo di e proyecto aki, pa asina garantisa e geometria final di e caminda aki, segun e. Sr. Zurieta a recorda cu e brug aki tin un funcion principal cu ta esun di facilita e fluho di vehiculo y esaki ta demanda control nan hopi specifico.

You May Also Like

Colaboracion unico y historico di ‘Jungian Psychology’ na Aruba

Dr. Michael Conforti, director di Assisi Institute: ‘The International Center for the study of ...

‘Lo bay parlamento pa informa riba negoshi di tereno di escala hopi grandi’

Den despedida di gobierno anterior, cantidad di tereno den area di naturalesa a keda ...

Situacion peligroso na ruina di Bushiribana

ORANJESTAD – Manera a duna di conoce dia 18 di januari pasa, departamento di ...

Actividadnan politico durante ultimo fin di siman prome cu eleccion

‘Carnaval den september’ Partido POR y AVP tabata tin nan parada di auto, MEP ...

3meil,SL, directiva.jpg

Directiva nobo pa Fundacion Hende Muhe den Dificultad

Fundacion Hende Muhe den Dificultad (FHMD) recientemente a scoge un directiva nobo. Despues di ...

insel.jpg

Problema cu vuelonan di Insel no ta solucionando

 No ta pasa un dia sin cu por lesa un cantidad di keho den ...