Edward McCollum, Reprsentante Comercial y Vocero di Consulado General di Republica Dominicana na Aruba kier invita comunidad di e isla cu ta biba na Aruba pa renoba nan documento na tempo.

Segun McCollum, tabatin un mal informacion di asunto di renobacion di ID. Prome cu aña 2016, hopi pais, incluyendo Republica Dominicana, no tabata duna peso na documento oficial manera un ID, manera cualkier otro pais.

Mayoria pais na mundo ta exigi un documento oficial pa renoba un paspoort. Den caso di Republica Dominicana na Aruba, e Dominicano mester tin un cedula vigente pa por renoba su paspoort pa asina por aplica pa su permiso di estadia na Aruba, pasobra si no sosode, ta haya buraco na permiso.

McCollum ta informa cu e Dominicano no ta consciente y awo tin cantidad di problema pa renobacion di permiso na Aruba; pasobra sin ID, no por saca su paspoort y sin paspoort, no por saca permiso di estadia. Na Republica Dominicana, e ta bisa cu sin ID no por habri cuenta di banco, no por haci un acto notarial y no por cuminsa cun proceso legal pasobra no tin cedula vigente.

“E documento aki ta importante pa tur Dominicano cu ta na Aruba. Nos ta haciendo lo imposibel pa trece e Hunta Central Electoral cu ta e institucion cu ta regula y emiti e documento di cedula pa eleccion, pa resolbe un situacion legal, un herencia of aspecto di propiedad of di mucha; ta rekeri e presencia di Dominicano cu tin problema cu nan cedula”, McCollum ta splica

Pa cualkier persona di Republica Dominicana cu tin cedula caduca, por acerca Consulado of tene contacto cu su persona. Nan ta cerando un lista dia 30 september y tin meta pa yega na cantidad di Dominicano cu tin problema cu cedula.

E siguiente diasabranan lo ta habri entre 11:00 am te cu 3:00 pm pa asina ‘capta tur persona cu tin problema cu ID’. “Tin persona na Aruba cu tin nan paspoort caduca for di 2016/2015 pasobra nan a casa cu hende Aruba y nan a permiti cu nan documento caduca pasobra nan no ta interesa den renoba, awo pa motibo di esey ta dificil pa renoba nan documento.”

Ta spera pa tur hefe of compania cu tin persona Dominicano trahando pa nan, pa tuma contacto cu McCollum pa haci cita y asina atende y resolbe problema sin cu e trahado tin cu sali for di trabou.

Nan mester haci henter e proceso no mas laat cu luna di november pa e Hunta Electoral yega Aruba, pa motibo mester cooperacion urgente pa asina tur Dominicano por tin nan papel y documento den ordo.

“Gobierno di Aruba a traves di nan instancia di migracion, nan ley ta bon cla y specifico y nos consulado nos ta compronde cu ta pa cumpli ley pa regula pa tin docuemnto vigente. Ley di Aruba ta stipula cu ley mirgatorio ta pa documento di pasaporte mester tin 6 luna vigente pa por cuminsa pa renobacion di permiso”, e ta splica.

Pa esnan cu tin posibilidad financiero cu mester bay Santo Domingo pa vakantie of cualkier cos, pa e ora percura tambe pa haci renobacion di tur documento sea paspoort y cedula. E ta bisa cu ‘ta imprescindibel pa renoba prome e cedula pa opta pa paspoort’. E proceso di passpoort ta tarda 1 pa 3 luna.

McCollum ta bisa cu nan ta purbando di trece e Hunta Central Electoral, si tin mas problema di cedula mas lihe pa servidor y Consulado di Republica Dominicana por trece nan. E ta bisa pa specifica nomber y number di documento. Pa asina Hunta Central y Ministerio di Relacion Exterior por yuda den e proceso cu urgencia prome cu september caba.

LEAVE A REPLY

Please enter your comment!
Please enter your name here