Segun un comunicado di Ministerio di Husticia, diasabra mainta pa mas of menos 7’or funcionarionan di GNC a tene un rond di control y na mesun momento ta bolbe tene e conteo di rutina y ta ripara cu falta dos persona.

Mesora a cuminsa cu investigacion riba paradero di e dos personanan. Den investigacion cu a haci a topa cu tralie di un bentana di un cel kibra. Inmediatamente a notifica Cuerpo Policial cu a manda un patruya di biaha pa mira kico a sosode y haci entrega di tanto potret como nomber di e dos personanan cu a huy. E dos personanan tabata sperando riba nan deportacion.

Ta trata aki di dos persona di nacionalidad Venezolano y uno di nan ta Reny Anthony Baralt Espinoza naci 17 di Februari 1992 y otro ta Luis Fernando Luna Guevara naci 22 di juni 1970. Ta urgi pueblo di Aruba cu si bo por sa algo di nan paradero of e sitio cu nan ta scondiendo yama nos tiplijn 11141. Cuerpo Policial ta garantisa anonimidad.

LEAVE A REPLY

Please enter your comment!
Please enter your name here