Corsou den proceso pa kita e 12.5% no directamente for di saco di trahado publico

Dor cu e ambtenaarnan  no acepta e  propuesta di 12.5%, pais Corsou ta perde mas cu e ta gana . Minister  di maneho di gobernacion , planificacion y servicio publico Armin Konket  a duna di conoce cu un di e condicionnan ta pa reduci e paketenan di salario di e ambtenaarnan cu 12.5% como solaridalidad.

Awor e manera cu gobierno di Corsou a dicidi di tuma esaki ta pa tuma esaki na e manera cu menos e ta haci dolor na ambtenaar cu ta nifica cu no ta bay directamente den su saco y a cay riba e idea pa pa haci entrega pa medio di cen di vacacion unda cu ta entrega un par di ora di vacacion y e aumento di salario automatico cu tur hende ta haya tur aña sea cu ta traha bon of no traha bon, sin funciona bon of no e parti aki tambe ta keda para pa cierto periodo.

E partinan aki gobierno a presenta como solucion y of un oportunidad pa reduci  e 12.5% . Sinembargo esaki mester cana su caminda y ley ta bisa cu si mester mishi cu e posicion huridico di e ambtenaar , gobierno mester bay delibera cu e representante di e trahado.

Sinembargo Raad van Advies a bisa mirando e caminda cu gobierno a cana,  gobierno a cumpli cu e ley di GOA y asina gobierno a sigui cana y na unda cu e ley di 12.5% ta den staten unda cu ta tratando esaki unda cu comision central ta haci nan preguntanan por escrito pa asina haya e contestanan por escrito pa asina despues bay trata esaki den reunion publico pa mira si parlamento ta aproba.

Unabes cu parlamento aproba e proposicion e ta bira un ley anto ley ta conta pa tur hende. Sinembargo den un caso asina si un hende ta haya cu e ley pa X motibo no ta na luga , semper e por cana e caminda di corte di husticia y na unda cu corte di husticia por dicta e ora ey si gobierno tabata tin rason of cu si e la cana e caminda corecto si of no , of si e hende cu a manda gobierno dilanti tin su rason riba su ponencia.

Gobierno di Korsou na e momentonan aki a sali di punto di bista cu den e crisis cu Corsou ta cu si bo no tuma e pasonan entre otro desicion di e pakete di salario di 12.5 % gobierno lo yega un caminda cu no lo tin sen pa paga absulutamente nada y e ora ey e hende nan cu ta contra lo ta bay tin un problema mucho mucho mas grandi.