Secretario general di Colegio Nacional di Periodista (CNP), seccion Caracas, Edgar Cardenas, a presenta e informe corespondiente na luna di october, unda ta denuncia 33 agresion nobo contra periodista y medio di comunicacion cu ta aumenta e total pa e aña na 309 caso.

Durante e cuarentena pa Covid-19  decreta pa gobierno di Nicolas Maduro, a tuma lugar 220 caso di agresion. Cardenas a reitera cu “e agresionnan contra periodista y e medionan ta representa e pretension di gobierno di impone censura y criminaliza opinion pa instala silencio informativo”. E dirigente gremial a califica como sumamente grave e detencion di e periodista Roland Carreño.   “E no tabata solamente un detencion arbitrario, sino un desaparicion forza.” E caso ta mustra un proceso troci unda a viola derecho riba debido proceso y derecho humano fundamental.

E informacion di e caso,  proporciona pa algun persona di gobierno ta un violacion di e confidencialidad di e proceso debido. Ta inconcebible cu funcionarionan halto ta duna comentario riba un investigacion cu ta andando. Cardenas a bisa tambe cu CNP lo sigui denuncia cu esaki ta un proceso arbitrario, inhusto y di violacion di derecho humano.

Cardenas a menciona tambe varios periodista cu ta deteni, cu caso hudicial habri na tribunalnan y cu mester sali liber pasobra nan no a comete ningun delito. Ademas den varios caso no tin proceso ni condena, cu consecuencia cu nan ta keda deteni indefinidamente, solamente pa ta cumpliendo cu nan trabao.

Na Venezuela periodistanan ta victima di menasa y detencion arbitrario. Pa orden di e regimen ta acusa nan di instigacion di odio y di terorismo, incluso hasta pa informa tocante un protesta pa falta di awa, mientras e cuerponan policial a converti den enemigo di prensa liber, segun e dirigente gremial.

LEAVE A REPLY

Please enter your comment!
Please enter your name here