Gobierno a desplega siguridad adicional na institucionnan gubernamental despues di e candela na e oficina di impuesto. No ta asumi cu e candela tabata uno intencionalmente haci, pero e otro edificionan cu informacion specifico lo ta mas protegi.
Durante oranan di marduga, diahuebs ultimo, un candela a tuma luga den oficina di impuesto na Regentesselaan. Brandweer a yega na e sitio, pero no por a evita cu un gran parti di e prome piso a kima.
Minister di Finanzas, Kenneth Gijsbertha a bisa durante un conferencia di prensa cu no mester supone cu tabata un candela provoca, a pesar cu a scucha bang fuerte prome cu e candela. Segun Gijsbertha vigilancia na otro edificionan gubernamental lo ser intensifica.
