(AP) – Algun ciudad di Texas, ciudadnan y districtonan di scol a permanece den nan posicion riba dialuna y no a kita e mandatonan nobo cu ta rekeri tur e studiantenan y otronan bisti tapaboca, aunke e dia anterior Texas Supreme Court a pone un pausa na e mandatonan di tapaboca den dos di estado su ciudadnan mas grandi.

Pero otro districto di scolnan y otro comunidadnan a retira nan mandatonan pa cu e uso di e tapaboca den bista di diadomingo su declaracion, creando confusion y frustracion pa cu algun mayornan di Texas y nan yiunan, kendenan ta bolbiendo bek scol den persona e siman aki.

Abogado General di Texas Ken Paxton a bisa den un carta riba dialuna “corte supremo a papia y a duna su conclusion” y cualkier orden local cu purba “urgi y impone e Gobernador su autoridad no lo ser enforsa mientras cu e Corte ta considera e meritonan pa cu e casonan aki.”

E ordennan aki duna pa e estado su corte civil mas halto, cual ta forma completamente pa Republicanonan electa, ta pone pausa riba tur rekisito cu e lidernan di e ciudad Dallas y San Antonio a pone den bista cu e infeccionnan nobo ta aumentando y studiantenan ta bolbiendo bek scol. Texas a reporta 11,552 pashent hospitalisa cu e virus riba diadomingo, desde 28 di januari. Den e ultimo luna, e hospitalisacionnan a aumenta cu 308%.

Pero oficialnan den Dallas County y Bexar County, unda san antonio ta localisa, no a presta atencion na e orden di Texas su Corte Supremo, bisando cu nan mandatonan pa cu e uso di tapaboca, bisando cu specificamente nan mandato te ainda no a ser afecta of un decision final te ainda no a ser haci.

E districto di scol di Austin y Harris County , unda cu Houston ta localisa y cual ta e estado su ciudad mas popula cu 4.7 miyon residente, tambe a bisa cu nan mandatonan pa cu e scolnan ta permanece den vigor.

Oficialnan den San Antonio y Bexar County a bisa cu e Corte Supremo di Texas su declaracion tabatin tiki efecto practico riba nan demanda pa motibo cu un hues te ainda lo tin un audiencia riba dialuna pa dicidi si lo aproba un order temporal unda cu ta para e Corte Supremo di invadi e autoridad cu e ciudadnan aki contra e orden di Abbott, cual lo pone e declaracion di e Corte Supremo den paro mientras cu e caso ta bay corte. Un hues ta ser premira di duna un declaracion dialuna atardi pa cu e peticion di e paro temporal aki despues di e audiencia.

Dallas County su hues Clay Jenkins a publica riba di e red social Twitter riba dialuna anochi cu e corte su decision “no lo kita e orden di e tapaboca” pero solamente a kita un paro cu a ser poni contra di Abbott su orden ehecutivo cu ta prohibi impone mandato pa cu e uso di tapaboca.

“Esaki nunca lo mester a ta un lucha politico. Nos ta den guera representado mamanan, tatanan y muchanan contra un virus mortal. Mi ta spera e Gobernador uni nos banda den e bataya aki,” Jenkins a bisa.

Dallas Independent School District su Michael Hinojosa a bisa cu pa motibo cu Texas su Corte Supremo no a menciona su districto specificamente, su districto su mandatonan lo permanece den vigor. Mayoria di e districto su studiantenan a bolbe bek scol riba dialuna.

“No tin nada tocante e districtonan di scol den e orden aki, dicon lo mi mester kita mi mandatonan,” Hinojosa a bisa reporteronan riba dialuna. “Den nos comunidad e mandato pa cu e tapabocanan aki ta loke ta necesario.”

Hinojosa a bisa riba dialuna cu President Joe Biden a laga un nota di vos expresando apoyo pa su districto su mandatonan pa cu tapaboca.

Den un publicacion riba di Twitter, Paxton a yama e districto di scol di Dallas “sin ley” pa a viola Abbott su orden.

Kristine Montgomery, ken su yiu muhe Allyson a cuminsa tweede klas riba dialuna den Dallas, a conta KTVT-TV cu den Forth Worth e ta compronde dicon e mandato pa cu uso di tapaboca ta den luga, pero e lo a aprecia si esaki lo a ta un decision pa e mayornan por tuma.

“Nos ta dispuesto pa haci tur loke nos tin cu haci pa por mantene tur hende protegi,” Montgomery a bisa. Ambos Montgomery y su yiu muhe a bisti tapaboca ora cu Allyson a ser baha na scol riba dialuna.

Ora cu a puntra Allyson tocante e uso di tapaboca, Allyson a contesta e stacion di television “Mi ta odia nan hopi.”

Durante dialuna su audiencia den e demanda di San Antonio y Bexar County, Michelle Means, un di e mayornan di Bexar County, a testigua den apoyo pa e estado, bisando un hues cu su ciudad su mandatonan di tapaboca a laga su persona desconcerta pa motibo cu e no kier su yiunan ser forsa pa bisti e tapaboca mientras cu nan ta na scol.

“Mi ta di acuerdo cu e gobernador. Mi ta den e miho posicion pa tuma decisionnan pa mi famia,” Means a bisa.

Mientras cu algun districto di scolnan a mantene nan mandatonan pa cu uso di tapaboca, otro nan alrededor di e estado a bolbe bek na e strategianan anterior di haci e uso di tapaboca algo opcional cu ta keda na cada persona.

“Mientras cu nos ta decepciona cu diadomingo su resultado hudicial, esaki no ta cambia nos dedicacion y responsabilidad pa cu e siguridad y salud di tur nos studiantenan,” Gerald Hudson a bisa, ken ta cabesante di Cedar Hill su districto di scol, cual ta localisa den Dallas.

LEAVE A REPLY

Please enter your comment!
Please enter your name here