Actor/Comediante Mericano Bill Cosby a regresa escenario dialuna pa haci un show di comedia pa prome biaha despues di e docenas di muhe cu a acusa su persona di abuso sexual den 2015.
New York Post ta reporta cu e comediante a haci algun jokes na e publico cu tabata encera di apoyadornan fiel y amigonan bieu na LaRose Jazz Club na Philadelphia.
E comediante di 80 aña di edad no a menciona e escandalonan di abuso sexual mes, den cual mas cu 60 muhe a bin dilanti cu un keho bisando cu el a droga nan y abusa di nan durante cinco decada, incluyendo un persona cu tabata den e publico tambe. Sinembargo el a ‘play it safe’ haciendo jokenan riba su famia, Philadelphia y birando ciego.
Fuente: NEWS.AU
