Recientemente Hulanda a descubri coronavirus den e testnan haci riba e awa residual na Amsterdam, Tilburg y Kaatsheuvel, cual ta ser procesa na e planta di waterverzuivering na Loon op Zand, unda e prome victima Hulandes di e virus aki a wordo identifica. E virus aki a ser haya cuatro dia despues cu e prome victima a test positivo pa e virus. Esaki ta segun e website Dutchnews.nl .
Mirando cu na Aruba e casonan di COVID-19 ta aumentando dia pa dia, y na nos planta di purifica awa ya tin un situacion unda e awa di riool cu ta ser procesa y trata den e planta ta surpasa locual e planta por carga.
E luga aki a ser construi den un tempo cu Aruba no tabatin asina hopi habitante of hotelnan. E planta ta haya 8.000 ton di awa y su capacidad di purificacion ta 4.500 pa 5.000, e planta e ora ey no ta purifica e awa na e nivel rekeri.
Mirando cu nos tin basta persona den cuarentena cu ta wardando ainda resultado di test, y awo 17 persona infecta, mester cuminsa test e awa na Bubali plas tambe como un medida di preveni a e coronavirus sigui plama. Esaki nos a nota caba cu e ta posibel pa esaki sucede via awanan di riool.
Esaki ta nifica cu e testnan haci di e awanan residual ta un bon manera pa yega na acceso di e plamamento di e virus aki.
Comments are closed.