Na e momentonan aki cu casonan positivo di Covid-19 ta aumentando, Crisis Team di Gobierno ta evaluando e situacion di hopi cerca.

E siman aki casonan a subi di 7 caso riba dialuna pa 26 caso positivo diamars y diaranson a registra un total di 30 caso positivo nobo na Aruba. Total di casonan activo awo a bira 139. Si pa algun dia mas e casonan sigui aumenta, Crisis Team lo tin cu tuma pasonan necesario pa reduci e plamamento di e virus y proteha comunidad.

Lamentablemente ainda tin hopi hende ta pone nan mes na riesgo pa haya e virus y despues ta sigui plama esaki. Tanten cu no tin vacuna ta medidanan drastico so por yuda reduci e riesgonan cu e virus por sigui plama. Ta urgi tur hende pa sigui aplica cu disciplina e reglanan di higiena y distanciamento pa prevencion. No tin otro manera pa combati e virus te ora cu vacuna bira disponibel.

Tambe ta importante pa asina cu un persona tin sintoma, pa e isola su mes y yama su dokter di cas pa por haci un test, esey ta un di otro manera cu ta evita cu e virus ta sigui plama.

LEAVE A REPLY

Please enter your comment!
Please enter your name here