Un di e medionan di comunicacion mas conoci na Manaus, Brazil, a lansa un critica pisa pa e aerolinea Insel Air pa motibo di cancelacion di vuelo. Segun e website, e avion mester a bula for di Corsou ayera 8:50, pero e vuelo a wordo cancela. E pasaheronan a keda henter un dia sin tende nada for di e aerolinea. Tabata tin 60 pasahero di Brazil riba vuelo di Insel Air cu a wordo cancela. Prome tabata tin un tardansa y despues 11’or di anochi a wordo anuncia cu esaki a wordo cancela. Segun e website, esaki ta di tres biaha den dos siman cu e pasaheronan di e aerolinea mester a enfrenta problemanan similar desde Manaus pa Corsou of vice versa.
“E ta hopi frustrante. Nos ta prepara pa hopi siman, paga pa un ticket, busca un auto, anto awe nos no por a imagina cu nos vuelo ta bay haya asina hopi tardansa pa despues wordo cancela,” un pasahero ta bisa.
Por lesa mas aki: CURACAOCHRONICLE.COM
