Pa motibo di celebracion di Dia di Himno y Bandera, Departamento di Salubridad Publico, DVG a duna su resumen semanal riba e desaroyonan di pandemia di Covid-19 na Aruba riba diahuebs. Den e resumen aki, DVG a informa cu tin 40 caso activo di e malesa causa pa e virus SARS-CoV-2.
Segun resumen semanal di e siman aki, 69 persona a recupera. Ademas a registra un total di 47 caso nobo di Covid-19.
E cantidad di fayecidonan relaciona cu COVID-19 ta 212.
Datonan di DVG ta ilustra casonan nobo di COVID cu un averahe semanal di 8 caso pa dia y un averahe di tasa di positividad semanal di 24% pa dia.
Actualmente tin dos persona hospitalisa na Aruba cu of debi na Covid-19. Di esakinan, ningun ta den ICU y e dos persona ta riba piso general. Ademas, na Colombia tin actualmente 4 pashent di Aruba hospitalisa den Unidad di Cuido Intensivo (ICU), y ningun riba piso general.
