Cuatro funcionario a keda secuestra pa prizonero

Dialuna hobennan pandiyero a secuestra cuatro trahador den un prizon na Guatemala, despues cu nan a mata dos prizonero y cinco mas a keda herida, den un pleito cu a cuminsa diadomingo ultimo. E protesta a bin como un reclamo di e prizoneronan pa asina haya un miho trato y mas beneficio den e centro aki, polis a informa.

“Ainda nan tin secuestra cuatro funcionario di seguridad,” Pablo Castillo, vocero di polis nacional a informa. Castillo a splica cu un trahador a ser libera pa e prizoneronan durante diadomingo  marduga y el a ser hiba pa un hospital pasobra e tabatin algun herida na su curpa.

E bringamento na centro hubenil di privacion di libertad pa mucha homber, miho conoci como Etapa II, a cuminsa cu participacion di mas di 40 hoben cu ta pertenece na pandiya (gang) di bario 18, y cu a denuncia maltrato di banda di  funcionario di seguridad, procuraduria di derecho humano a splica. E centro ta ubica na San José de Pinula, 10 kilometer na oriente di capital, cerca di Hogar Seguro Virgen de Asunción, unda a tuma lugar e incendio riba dia 8 di maart y cu a laga mas di 40 hoben morto y cerca di 18 cu hopi kemadura na nan curpa.

Prensa local a revela un serie di peticion di banda di e prizoneronan, unda nan ta solicita e retorno di nan compañeronan cu a ser manda pa otro centronan, como tambe e acceso na cuminda den e prizon y permiso pa haya bishita, entre otro. “Awor ta mantene un dialogo cu varios institucion y asina logra cu un grupo di prizonero por laga nan actitud violento”, vocero di polis a splica. Durante henter e problema cu a tuma lugar diadomingo, personal di auxilio a raporta un incendio den un seccion di e edificio.

Ambos prizon ta administra pa secretaria di bienestar social di presidencia di Gautemala, y su titular Carlos Radas hunto cu otro dos funcionario ta e autoridadnan responsabel, sin lubida e director di e centro ey, cu a keda despedi y ta den prizon preventivo. E prizon conoci como Etapa II tabata escenario na aña 2005 di un bringamentoentre pandiya cu a laga como 14 morto.

You May Also Like

Horcan Irma ta tuma 3 bida, cual di 1 baby

  Oficialnan di Francia y di Antigua y Barbuda ta bisa cu horcan Irma ...

Campesino a convoca pa un marcha contra canal di Nicaragua

Conseho Nacional pa Defensa di tera, lago y soberania, cu ta conforma pa campesino, ...

Mexico: 2017 a surpasa tur record anterior di asesinato

Na final di 2017, Mexico a suma 29.168 homicidio intencional, e cifra mas halto desde ...

Brasil ta investiga empresa cu a laba miyones di dollar cu a bin di Venezuela

Polis federal di Brasil a implementa un operacion contra un organisacion cu a purba ...

Venezuela: Detencion di prome vice-presidente di Asamblea Nacional

E prome vice-presidente di Asamblea Nacional, Edgar Zambrano, a keda deteni diarason pasa pa ...

Cuba: Poco animo pa eleccion cu resultado conoci di antemano

Cuba ta dilanti un cambio generacional den gobierno den circunstancia dificil  y cu un ...