Posibel intervencion Hulandes pa salvaguardia derechonan humano di refugiadonan Venezolano

Parlamentarionan Hulandes ta cuestionando ki responsabilidad Hulanda tin  pa yuda Venezolanonan huyendo di nan pais y cu ta yega na Caribe Hulandes, mientras Venezolanonan cu ta pidiendo asilo ta pidi un di e parlamentarionan pa ayudo mirando cu nan no ta hayando contesta den nan procedura di apelacion.

E parlamentarionan di D66 Antje Diertens, Maarten Groothuizen y Achraf Bouali, segun fuente koninkrijksrelaties.nu a haci preguntanan al caso na secretarionan di estado di husticia y relacionnan di Reino Mark Harbers y Raymond Knops, unda ta cuestiona si gobierno Hulandes ta pretendiendo di no ta conoci cu e informacion concreto cu tin di pais Venezuela, cual ta indica cu su ciudadanonan ta enfrenta detencion sin proceso debido, tortura y hasta ehecucion pa a forma parti di protestanan contra regimen di Nicolás Maduro.

Nan ta puntra tambe ta cua informacion Servicio di Inmigracion y Naturalisacion (IND) ta basa nan mes riba dje pa dicidi di honra of nenga un peticion di asilo politico of status di refugiado y si e secretarionan ta haya cu e informacion aki ta suficiente. Anos como medio lo kier haci e mesun preguntanan aki na e departamento equivalente na Aruba, esta Dimas, mirando cu nos a ricibi indicacion cu personanan cu a haya e status di refugiado a base di articulo 19 di LTU den pasado a ricibi un negacion despues di renoba nan permiso. Manera ta conoci, e comision cu mester evalua y administra apelacionnan, ya caba tin un atraso den trata e casonan aki, cual ta haci cu e personanan aki ya tin varios luna ta warda riba un contesta di LAR.

Esaki ta pone un punto di reflexion riba e pregunta esencial di e parlamentarionan, cual ta si Hulanda mester interveni na Aruba y Corsou pa preveni abuso di derechonan humano di Venezolanonan den Caribe, basa riba articulo 43 di e Statuut di Reino, cual ta prescribi cu cada pais mester salvaguardia derechonan humano, pero cu tambe e responsabilidad ta cay bou henter Reino.

Pero ki derechonan specifico e refugiadonan lo mester tin? E parlamentarionan ta subraya un sumamente importante, cual ta e derecho di non-refoulement. Non-refoulement ta e practica di percura di no forsa personanan cu tin claim na e status di refugiado of cu ta huyendo di persecucion pa bolbe un pais unda nan lo enfrenta tal persecucion. Actualmente no ta conoci cuanto Venezolanonan a deporta cu posiblemente lo enfrenta un tal persecucion, pero esaki ta haci pensa riba un par di luna pasa ora minister di husticia Andin Bikker (POR) a declara cu pa via cu a deporta un hoben menor di edad cu tabata bou capa di refugiado, el a dicidi di suspende e hefe di Warda Nos Costa.

Ta e siguridad aki personanan cu tin miedo cu autoridadnan lo por deporta nan lo kier, cual ta algo cu hasta parlamentario Antje Diertens a tende di dje 2 dia pasa via Twitter, ora un persona a tweet e bisando cu nan famia tin miedo di deportacion na Aruba. E parlamentario a bisa cu ‘jammer genoeg’ e no por nifica nada pa nan via Twitter, pero a dirigi e persona aki na prome minister Evelyn Wever-Croes (MEP).

E situacion na nos pais bisiña no solamente ta envolve un crisis socioeconomico cual ta laga muchanan riba caya y famianan sin fuente di alimentacion, pero tambe un regimen di persecucion cu ta impone castigonan penal riba personanan cu a protesta en contra presidente di Venezuela, cual te hasta a yega na tortura y ehecucion di ciudadanonan. Esaki ta informacionnan cu a bin dilanti di varios banda, incluyendo di e ex procurador general di Venezuela Luisa Ortega, Comision Inter-Americano riba Derechonan Humano y UNHCR.

You May Also Like

Virus di influenza cu a causa morto ta keda leu for di nos

Actualmente un campaña di vacunacion ta andando contra virus di influenza Tipo A y ...

Awe ta di Dia Internacional di Museo

Aruba su museonan tambe ta celebrando nan dia hunto cu ICOM, cu ta e ...

13669629_1202623776449546_5854753375457687335_n.jpg

Recherche a detene homber cu a bende arma den caso Wayaca

Relaciona cu e caso di tiramento na Wayaca riba 13 September 2016 unda un ...

image.jpeg

Aruba den gara di atraco, atraco arma ariba cas na Sero Patrishi

Diadomingo marduga den careda di 3’or unidad nan di polis ariba caya y tambe ...

SIMAR y SEPPA a reuni cu minister Lampe riba transformacion di DPS

Ayera tardi a tuma luga un reunion entre minister di Enseñansa cu sindicato SIMAR ...

Evelyn Wever Croes

Lider MEP riba caso Schotte: ‘Spera biento di curashi na Corsou lo yega Aruba pronto’

Cu Corsou ni a laga su prome prome minister (como pais autonomo) scapa sentencia, ...