(CiberCuba) – Familiarnan di e presonan politico Cubano a agrupa den un asociacion independiente cu ta pretende di visualisa e situacion cu e detenidonan ta biba na e isla.

E Asociacion di familiarnan pa libertad di e presonan politico Cubano ta pretende cu otro personanan uni na e asociacion y ta inclui e detenidonan di 11J of cu ta cera pa cualkier motibo ideologico.

“E encuentro, coordina y dirigi pa Maria del Carmen Martinez Recio, tabatin mas di un ora di duracion, unda cu ademas di expone e situacion dificil di cada un di nan familiarnan cera y di e prison politico en general, a coincidi den e necesidad di uni pa mediante un trapi di accionnan sistematico exigi e liberacion di tur y cada un di e homber- y muhenan cu na Cuba ta sufri prison inhusto pa nan ideanan”, nan a bisa a traves di un comunicado di prensa.

Aunke no tabata posibel e participacion di algun familiar residente di e centro y oriente di Cuba, debi na problemanan di conexionnan di internet, e movimento ta spera cu nan por bira un grupo di apoyo importante pa tur e personanan cu ta cera pa motibonan politico, y tambe nan familiarnan.

“E asociacion ta invita e familiarnan di e presonan politico na Cuba, sin categoria of exclusion di ningun tipo, pa uni na nos agrupacion y di e forma aki, nos tur bao di e mesun voz exigi e libertad di nos sernan keri cu ta cera”, e comunicado a agrega.

Despues di conforma e Asociación, varios familiarnan di e presonan politico a protagonisa un protesta cu weanan (cacerolazo) pa demanda e liberacion inmediato di e presonan, fundamentalmente di esunnan cu ta wordo husga door di manifesta pacificamente dia 11 di juli 2021 na mas di 60 localidadnan di e pais.

 

LEAVE A REPLY

Please enter your comment!
Please enter your name here