Con una máscara contra la propagación del nuevo coronavirus, la enfermera Yenis Mercedes recorre las habitaciones del hotel Meliá Habana para controlar la temperatura de los turistas, en La Habana, Cuba, el jueves 11 de febrero de 2021. (AP Foto/Ramón Espinosa)

Autoridadnan di La Habana a impone mas di 700 multa den un solo dia, mayoria di nan pa incumplimento di Decreto 31/2020, cu ta establece e sancionnan pa violacionnan di medidanan sanitario pa preveni propagacion di coronavirus na Cuba.

Orestes Llanes, coordinador di Fiscalizacion y Control na e capital, a declara na e periodico Tribuna de La Habana cu e principal infraccionnan ta e uso incorecto di tapaboca y falta di distancia fisico dein rij, unda a impone mas di 200 boet den e red di tienda di e ciudad.

E funcionario a admiti cu ta existi un tendencia di aumento den e cantidad di sancion economico impuesto riba persona natural y huridico.

Ademas a reconoce cu e carencianan y falta di capacidad pa abastece unidadnan di comercio na La Habana ta obliga persona na somete na rijnan largo, y asina, ‘ta imposibel di evita’. Sinembargo, a insisti cu cada ciudadano mester purba tene e distancia recomenda pa evita posibel contagio.

Pa loke ta actividad comercial y di servicio, a informa cu diahuebs ultimo a impone na La Habana 222 multa relaciona cu violacion di prijs den establecimentonan di comercio y servicio.

Llanes a bisa cu e cifra aki ta menor, sin haci referencia den comparacion na ki periodo, y a sigura cu sector priva ta e principal infractor di Decreto 30/2021, den cual ta establece multa di hasta 15mil peso Cubano, dependiendo di e infraccion.

El a se├▒ala cu den algun cafeteria particular ta viola e prijsnan maximo estableci pa gobierno pa benta di refresco y otro bebida, y pa tal motibo, a impone 76 multa di 8mil pesos y a retira 11 licencia.

E sector estatal tambe a ricibi multa den dianan aki, specialmente unidadnan cu ta bende pan na e poblacion y cu a altera e gramaje di productonajn mas di cincuenta porciento.

LEAVE A REPLY

Please enter your comment!
Please enter your name here