Gobierno Cubano ta preocupa cu e riesgo cu varios medico Cubano trahando na Mexico por huy bay Merca. Un grupo di 590 medico y personal paramedico ta trahando na Mexico bao di un contract cu gobierno Mexicano, asina un fuente di ministerio di Salud Publico na Cuba, cu a reclama anonimidad, a conta CiberCuba.

“Preocupacion pasobra Mexico tin un frontera enorme cu Merca, cu tin un gobierno cu ta instiga medico Cubano pa deserta, pero si un pais amigo ta solicita nos ayudo, nos no por nenga esey pensando cu algun di nan ta bay huy,” el a splica.

E Cubanonan cu dicidi di renuncia nan contract gubernamental di trabao den exterior y solicita asilo na Merca mester presenta al menos un prueba creible di cu nan ta someti na supuesto practica di trafico di persona, segun un reciente informe di Departamento di Estado y declaracionnan di funcionarionan halto di gobierno di Trump.

Pero e mediconan Cubano cu dicidi huy di Mexico o otro pais pa Merca ta asumi e responsabilidad di keda rechasa pa un agente migratorio Mericano na frontera, a base di e capacidad discrecional den leynan Mericano y di otro banda lo tin e condena na ocho aña sin por drenta Cuba atrobe.

E profesionalnan di salud Cubano na Mexico o cu yega na cualkier frontera cu Merca por reclama e principio di ‘non refoulement’ (di no mester regresa na e lugar di persecucion), segun derecho internacional. E pais unda e trafico di persona ta tuma lugar ta Mexico, cu ta paga estado Cubano un suma considerable den divisa pa cada medico, cu ta ricibi un fraccion di esaki, hasta menos cu ta paga un medico local. Cuba tin varios brigada di salud na diferente pais Latinoamericano y Africano.

 

LEAVE A REPLY

Please enter your comment!
Please enter your name here