Cuba a nenga entrada na secretario di OEA Luis Almagro

Diaranson secretario general di Organisacion di Estado Americano (OEA), Luis Almagro, a bisa cu autoridad a nenga su visa pa bay Cuba y asina haya su premio Oswaldo Payá na e isla Cubano.

Almagro a bisa den carta cu a publica riba rednan social, y cu ta dirigi na Rosa Maria Paya, organisador di e premio aki, cu autoridad a nenga su visa den su paspoort pa bay Cuba y a nenga posibilidad tambe di por drenta cu su otro documento di identidad di Uruguay, pa cual no mester ningun tipo di visa”, el a indica.

Diamars cu a pasa ex-presidente di Mexico Felipe Calderon y ex-ministro di Chile, Mariana Alwyn, a denuncia tambe cu autoridad di Cuba no a laga nan drenta na e isla. Ambos tabata bay pa mesun homenahe na honor di disidente politico Cubano cu a fayece caba. Den e carta Almagro ta splica cu un di e funcionarionan di OEA a haya un yamada pa un reunion den consulado di Cuba na Washington, caminda autoridad di Cuba a bisa cu nan ta “sorprendi pa e motibo di bishita di Almagro na Cuba”, y nan a bisa cu no lo dune visa pa Almagro, y cu lo nenga posibilidad pa drenta Cuba, “hasta den caso di purba biaha cu paspoort diplomatico di Uruguay”. Nan a expresa nan sorpresa, ora cu a haya sa cu OEA ta den “actividad anti-Cubano” y cu posibilidad di solicita un visa pa motibo di participa na e actividad ey tabata “un provocacion no aceptabel.”

“E unico interes di nos ta mehora e acercamento di Cuba na balor y principionan di e sistema inter-Americano, den relacion cu defensa di democracia y cu promocion y respet pa derecho humano. Asina tambe interes pa expande logro di Cuba den materia di ciencia, salud y educacion pa e region ey. Almagro a bisa cu autoridad a expresa cu su presencia y actividad ta anti-Cubano, pero esey no ta berdad, ta contrario na e cos cu mi kier pa Cuba, cu tin e posibilidad di logra e maximo nivel di desaroyo y bienestar social pa su pueblo, y cu tur derecho garantisa pa tur ciudadano Cubano.”

You May Also Like

Restonan haya den buskeda pa Natalee Holloway su curpa no ta pertenece na dje

Segun reportahe di media internacional (People.com) e restonan humano cu a wordo haya na ...

Explosivo den auto a mata 300 persona na Somalia

Mas o menos 300 persona a keda confirma morto despues di explosion di dos ...

cf5d7793b397e4e4bc16bc9ecf1574cd.jpg

Guera na Iraq no tabata necesario, Saddam Hussein no tabata un menasa

E invasion di Iraq 13 aña pasa no tabata hustifica, e tabata mal planea ...

_84850596_028533944-1.jpg

Lider di oposicion Venezolano Daniel Ceballos aresta atrobe

Un di e lidernan general di oposicion Venezolano, Daniel Ceballos a wordo aresta atrobe ...

Funeral di e rey di Thailand lo costa 90 miyon dollar

Basta ciudadano a drumi riba caya diaranson bao di awasero pa reserva un luga ...

Eric Garcia lo presenta dilanti corte na april

WILLEMSTAD – E ex director di Girobank, Eric Garcia a wordo yama pa presenta dilanti ...