(CiberCuba) – E organisacion no gubernamental Cubano ‘Ahora Si’, dedica na e lucha pa e derechonan di e comunidad LGBTQ+ na e isla, a cuminsa un campaña como respuesta na e decision di Ministerio di Educacion (MINED) di pospone pa un tempo indefini e implementacion di e programa di educacion cu enfoke di genero y derechonan sexual, cu lo mester a cuminsa e aña escolar aki na e scolnan.

Segun e organismo a anuncia, e programa di educacion integral den sexualidad cu enfoke di genero y derechonan sexual y reproductivo den e sistema nacional educativo no por wordo aplica pa aworaki door di e situacion economico y epidemiologico di e pais, cu a impedi e garantia di produccion di buki y materialnan di trabao, manera por ehempel e preparacion di e docentenan.

E plataforma ‘Ahora Si’ a comparti riba nan rednan social un carta dirigi na Minister di Educacion, Ana Elsa Velasquez, den cual nan ta exigi pa pone un fecha concreto pa cuminsa implementa e programa. Tur persona interesa por firma e carta.

E ONG tambe ta demanda pa MINED introduci e programa nobo haciendo uso di e infrastructura nacional cu ta existi na Cuba, manera e lesnan via television y e softwarenan educativo, como tambe otro vianan creativo cu ta apoya enseñansa durante e situacion crea pa e pandemia.

Den opinion di ‘Ahora Si’, su aplicacion den e scolnan Cubano ta hopi importante pa e “repercusion cu tin, na un nivel micro y macrosocial, den tema di igualdad di genero, e no discriminacion, e prevencion di embaraso hubenil y e enfermedadnan di transmision sexual”, entre otro.

E programa di educacion cu enfoke di genero a keda aproba pa e Resolucion 16 di e aña aki di e MINED, y ta forma parti di e tercer perfeccionamento di e sistema nacional di enseñansa.

 

 

LEAVE A REPLY

Please enter your comment!
Please enter your name here