Departamento di recherche di Cuerpo Policial Hulanda Caribense (KPCN) tin di haber cu criminalnan cibernetico cu ta ataca tanto individual como negoshi digitalmente y ta causa daño na nan sistema di computer. Varios negoshi y organisacion na Hulanda Caribense den tempo corto a bira victima di atake cibernetico di ‘ransomware’.  E ora ey ‘hacker’ nan ta exigi cen for di victima pa kita lok for di e sistema y pa kita e virus. Por distribui virus di computer tanto via computer como telefon mobil durante cua ta infecta of lok e sistemanan. Ta preocupante pasobra organisacionnan grandi, importante y vital manera Banco Central di Corsou y di Sint Maarten tambe (casi) a bira victima di esaki.

Entrante april 2021 KPCN a lansa un team cibernetico special cu como meta pa duna bon sosten e añanan venidero riba tereno di crimen cibernetico. Pa haya e malhechornan tin ora ta resulta di ta dificil pa motibo di posibilidad nan digital mundialmente pa cu e tipo di atakenan aki. Pero si e team aki por duna sosten na  dunado di keho y negoshinan den e proceso pa minimalisa desbentaha. E team cibernetico di Cuerpo Policial Hulanda Caribense ta unico den e parti Caribense di Reino y di forma activo ta busca colaboracion cu otro cuerpo, organisacion y partner cu por sostene nos den esaki.

E periodo venidero, banda di e casonan di recherche cu ta presenta lo comparti informacion preventivo tambe cu organisacion y individual nan. Aki por pensa riba varios conseho pa haci sistema di bo computer mas safe y pa minimalisa e chens di bira victima.

Si bo a bira victima di atake cibernetico menciona ariba, of posiblemente tabatin di haber cu otro tipo di crimen cibernetico, tuma contacto cu e departamento di ‘Cybercrime’ di Cuerpo Policial Hulanda Caribense via number di telefon 715 8000 of via mail na cybercrime@politiekpcn.com.

Ransomware: Criminal sa di tuma ofer computer di compania na diferente manera. Pensa aki riba entre otro habri un anexo maligno di un mensahe di e-mail, despues di cua ta tuma e computer ofer pa ransomware. Ta te despues di pago di un cierto suma di e ransomware, hopi biaha den valuta cripto, por kita e lok for di e computer bek.

Cybercrime’ ta un forma di criminalidad digital caminda criminalnan di internet ta drenta por ehempel bo computer, telefon of un red completo di un organisacion.  Cerca e tipo di criminalidad aki ICT ta e meta y e medio. E motibonan di criminalnan di internet ta varia, pero e impacto generalmente ta enorme.

Ta existi diferente sorto y midi di criminal cibernetico of asina yama ‘hacker’: di persona te organisacion di activista (por ehempel grupo di hacker ‘Anonymous’) te cu gruponan mara na estado. En realidad hopi biaha ta trata di personanan of colectivista nan cu ta uza internet pa protesta y pa mobilisa hende of pa chantahia of parcialmente blackmail individual of compania cu como meta gana cen. Tin diferente sorto di crimen cibernetico cu cua tanto compania cu individual por haya nan di haber cu ne. Algun variante ta: ‘Cyberstalking’, ‘Phishing’, ‘Malware’, ‘Password cracking’, froude di identidad, ‘Ransomware’ y atake di ‘DdoS’.

 

LEAVE A REPLY

Please enter your comment!
Please enter your name here