Un dama Australiano cu a yama 911 pa reporta un disturbio pafo di su cas, a wordo tira mata door di polis na Minneapolis.
Justine Damond, 40, naci na Sydney, Australia, tabata bibando cu su pareha den e ciudad Mericano. E dama a yama polis despues di a scucha algun zonido straño pafo di su cas diasabra anochi. Polis a yega e sitio, e dama a acerca e auto ainda den su pyjamas anto aparentemente e agentenan no a mira e polis acerca nan, nan no a wak na tempo cu tabata e dama.
Manera cu e dama a acerca e vehiculo, e polis sinta na banda di pasahero a saca un arma y tira riba dje. Ningun arma a wordo haya na e sitio anto investigacion ta bay determina tambe pakico e bodycams di e polisnan no tabata grabando na e momentonan ey. Ambos polis a wordo suspendi temporalmente cu pago bao di un ‘suspension administrativo’.
