Moscow ta exigi pa Merca entrega mansionnan cu ta confisca


Rusia ta exigiendo pa Merca duna accesoo na dos mansion diplomatico cu a wordo confisca door di Merca aña pasa. Vocero di Kremlin Dmitry Peskov a bisa cu no ta acceptabel pa pone condicionnan riba e regreso di e propiedadnan aki. Minister Sergei Lavrov a describi esaki como “ladronicia den dia cla”.

Rusia conhuntamente cu oficialnan Mericano ta discutiendo e asuntonan aki den reunionnan basta serio.  Siman pasa Rusia tabata considerando ‘medidanan specifico’ pa trata cu e asunto aki, incluyendo expulsion di 30 diplomatico Mericano y confisca propiedadnan Mericano. Ex Presidente di Merca Barack Obama a actua contra Rusia despues cu fuentenan di inteligencia Mericano a acusa estado di Rusia di hack den e computernan di e partido Democratico pa perhudica campaña presidencial di Hillary Clinton.

E situacion aki awor ta un menasa pa e relacion entre Merca y Rusia, cu ya caba no ta uno mucho positivo, si en berdad Rusia mester suspende diplomaticonan Mericano. Tumando na cuenta tambe henter e asunto di posibel intervencion di Rusia den eleccionnan Mericano, cu ya caba tin e situacion entre Rusia y Merca poco tenso.

You May Also Like

e60adda2471d5e9d801b1afd9d5d2387.jpg

Asesino di mucha permiti pa cana den libertad

David McGreavy, 65, ta un persona hopi enfermo cu tabata haci hopi cos straño ...

Candela a bay cu hopi cas na Chile

Diahuebs marduga un miyon cas di pueblo di Santa Olga a disparce, pa motibo ...

33679e7f6b6cda282e2e6258478ca22964477819906c2664f940611dc1ca2c33_3742597.jpg

Accidente fatal entre treinnan na Italia

Alomenos 12 hende a fayece despues cu 2 trein a accidenta contra otro na ...

Gobierno di Colombia: acto terorista di ELN ta retrasa caminda pa ‘alto al fuego’

Dialuna ultimo, Juan Camilo Restrepo, hefe di ekipo di negociacion di banda di gobierno Colombiano, ...